HARURUAR 32:4 - BIBEL JAMITA NA DENGGAN

⁴ Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

HARURUAR 32:4 ပူးပေါင်းရင်းမြစ်များ

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

1 RAJA-RAJA 12:32

Dung i dipambaeni si Jerobeam ma angka malim i di Betel anso martugas disi jana ia sandiri pe dohot ma manghaulkon haul tu angka lombu sere na nibaennia i. Jadi ditontuhon ia ma tanggal lima bolas bulan salapan gabe songon ari pesta ni ugamo di Israel, sarupa dohot ari pesta ni ugamo di Jerusalem. Kehe ma si Jerobeam pagodangkon ari pesta ni ugamo na nitontuhonnia i.

2 RAJA-RAJA 10:20

Dung i diparentahon si Jehu ma, “Tontuhon hamu ma sada ari laho manyomba Baal!” Jadi ditontuhon ma ari i

2 RAJA-RAJA 10:29

Jadi gabe didok Tuhan ma tu si Jehu, “Madung dipatulus ho tu pomparan ni si Ahab sandok na Huparentahon tu ho. Hara ni i marjanji ma Au, anggo pomparanmu lopus tu sundut paopatkon, gabe raja ma di Israel.” Tapi nada sian burju ni si Jehu mangoloi Tuhan, Debata ni Israel; songon si Jerobeam do ia na mambaen halak Israel gabe mardosa di na nisurunia halahi mamele lombu sere na nipajongjong ni si Jerobeam di Betel dohot di Dan.

2 JUJUR TAON 11:15

Madung diangkat si Jerobeam angka malimnia sandiri laho manghobasi di angka inganan parsombaan ni gana-ganaan dohot parsombaan ni begu, jihin maradu patung ni lombu na nibaennia sandiri.

2 JUJUR TAON 13:8

Saonnari diambang ho ma lakna tarbaen mangalo kuaso na nilehen ni Tuhan tu pomparan ni si Daud, hara ni godang ni pasukanmu dohot hara ni na adong angka lombu seremunu na nibaen ni si Jerobeam gabe debatamunu.

NEHEMIA 9:18

Digana halahi do sombaon na marrupa lombu. Lalu didok halahi ma, ‘On ma da Debatamu, na maroban hamu sian Mesir, sian parhatobanMu.’ O, ale Debata, laing Ho sandiri ma na marlayas dibaen halahi!

HARURUAR 20:2

“Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 20:4

Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

HARURUAR 28:11

Pabaenkon ma i tu tukang sere na malo manggorgahon goar-goar ni anak ni si Jakob na dua bolas i tu batu intan i. Dung i, angkon marbingke sere do baenon batu intan i.

HARURUAR 28:9

Nibuat ma dua mata intan krisopras jana gorgahon ma tu mata intan i goar-goar ni anak ni si Jakob na dua bolas i

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:24

Jadi hudok ma tu halahi anso dibukai halahi serena be. Dileheni halahi ma i tu au jana huambungkon ma tu bagasan api jana ruar ma anak ni lombu on!”

HARURUAR 32:3

Jana marsibuka anting-antingna be ma bangso i jana dioban halahi ma tu si Harun.

HARURUAR 32:35

Songon i ma dipamasa Tuhan nyae tu halahi patunda ni na nipaksa ni halahi si Harun mambaen anak ni lombu sian sere.

HARURUAR 32:5

Dung diida si Harun lombu sere i, dipajongjong ia ma langgatan di jolona i. Didok si Harun ma, “Ancogot ari pesta do di Tuhan!”

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

HARURUAR 32:8

Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

JESAYA 30:22

Ambungkononmunu ma angka patung ni gana-ganaanmunu na marlampis perak dohot sere, jana dokkononmunu ma: “Morot ma sian au!”

JESAYA 46:6

Dibuka halak huncangna, diduruskon serena, jana ditimbang perakna di kiloan. Diupai halahi tukang mambaen sisombaonna lalu marsomba tu patung na nibaenna.

JEHESKIEL 23:8

Laing torus ma ia marhamainan songon na nibaennia taran di Mesir, di na mago disi habujingonnia. Mamungka sian hamenehannia, na dung dipodomi jana dibaen do ia songon panggampang.

HOSEA 10:5

Mabiar ma halak Samaria; marsak jana tangis ma halahi dohot angka malim na mangkobasi lombu sere na di Bet-Awen i hara ni parmago ni hajagaron ni gana-ganaan ni halahi.

HOSEA 13:2

Lopus saonnari laing torus dope mardosa angka halak Efraim i; dipambaeni halahi do angka patung sian perak na nirangrangan ni akal ni jolma jana na nigana ni tangan ni jolma lalu disomba ma i. Didok halahi, “Pelehon ma haul tu angka patung on!” Padiar ma diummai jolma i angka anak ni lombu i!

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.

BAENON NI ANGKA RASUL 7:41

Jadi dibaen halahi ma hatiha i sada patung ni anak ni lombu, dung i dipelehon halahi ma haul tu patung i jana marpesta ma halahi pasangapkon barang na nibaen ni tangan ni halahi sandiri.

1 KORINTUS 10:7

Boti muse anso ulang tasomba gana-ganaan songon na nibaen ni deba sian halahi, songon na tarsurat, “Jadi juguk ma bangso i mangan dohot minum, dung i jongjong ma halahi jana manortori.”

PANGARATAION 9:16

Huida ma na dung mangalanggar hamu tu parenta na nilehen ni Tuhan Debatamunu tu hamu. Madung mardosa hamu maradopkon Tuhan, hara na nibaenmunu di hamu sada patung ni lombu sian sere.

HAKIM-HAKIM 8:24

Tapi dung i didok si Gideon ma muse, “Hum sada do pangidoanku; anting-anting na nirampasmunu sian musu i angkon pasahatonmunu sudena i tu au.” (Somalna mamake anting-anting sere do halak Midian; laing songon angka jolma na maringanan di parhorsihan.)

HAKIM-HAKIM 8:27

Dipauli si Gideon ma sian sere i sada patung ni gana-ganaan, dibaen ia ma i di hutania, i ma di Ofra. Kehe ma tusi sude halak Israel laho marsomba gana-ganaan i, jabat nada diparrohahon halahi be Debata. Jana pangalaho i ma na gabe songon jorgong di si Gideon dohot di keluargania.