HARURUAR 32:31 - BIBEL JAMITA NA DENGGAN

³¹ Jadi diulahi si Musa ma mangadop tu Tuhan ning ia ma, “Iale, madung mardosa godang bangso on, harana madung dibaen halahi debata sere di halahi jana disomba.

HARURUAR 32:31 ပူးပေါင်းရင်းမြစ်များ

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

NEHEMIA 9:18

Digana halahi do sombaon na marrupa lombu. Lalu didok halahi ma, ‘On ma da Debatamu, na maroban hamu sian Mesir, sian parhatobanMu.’ O, ale Debata, laing Ho sandiri ma na marlayas dibaen halahi!

NEHEMIA 9:33

Bonar do pambaenanMu, hami na mardosa diuhumi Ho laing setia do Ho haru pe hami gok tilako.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 20:4

Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

HARURUAR 32:30

Ancogotna i mandok hata ma si Musa tu bangso i, “Madung mardosa godang hamu, tapi saonnari manangkok ma au mangadop tu Tuhan, betak na tarpatupa dope hadamean patunda ni dosamunu i.”

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

DANIEL 9:8

Dipambaeni angka rajanami, dohot angka na markuaso dohot angka ompunami do angka pangalaho na pailahon jana na mardosa tu Ho ale Tuhan.