HARURUAR 32:30 - BIBEL JAMITA NA DENGGAN

³⁰ Ancogotna i mandok hata ma si Musa tu bangso i, “Madung mardosa godang hamu, tapi saonnari manangkok ma au mangadop tu Tuhan, betak na tarpatupa dope hadamean patunda ni dosamunu i.”

HARURUAR 32:30 ပူးပေါင်းရင်းမြစ်များ

2 SAMUEL 12:9

Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

2 SAMUEL 16:12

Betak na parrohahonon ni Tuhan do pardangolankon jana pasupasuonNia au gonti ni bura i.”

2 RAJA-RAJA 17:21

Dung disirang Tuhan Israel sian Juda, diangkat halahi ma si Jerobeam anak ni si Nebat gabe raja ni halahi. Jadi dibaen si Jerobeam ma halahi manandingkon Tuhan boti mambaen angka dosa na godang.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 32:29

Dung i didok si Musa ma, “Pasahat hamu ma dirimunu mamungka sadari on tu Tuhan, marsigararkon hosa ni anakna dohot kahanggina ma hamu anso maruli pasupasu hamu.”

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

JUNUS 3:9

Betak na ra do Debata manguba nietNia gabe nada muruk be, jadi nada tulus hita bunuonNia!”

BILANGAN 16:47

Dibaen si Harun ma sude na nidok ni si Musa i. Dibuat ia inganan ni apinia lalu marlojong ia tu tonga-tonga ni halak na bahat na topet marlagut disi. Dung diida ia na dung mamungka bala i, dibaen ia ma hamonyan tu banggar ni api i, lalu dibaen ia upacara hasesaan ni dosa ni na bahat i.

BILANGAN 25:13

Ia dohot pomparannia ditotopkon ma gabe malim sapanjangna, hara ni na so tartahan ia mida halak na manyomba debata sileban dibalik ni Au. Hara ni i sesaonKu ma dosa ni Israel.”

LUKAS 15:18

Jongjong noma au kehe manopot damang jana dokkononku ma tusia: Madung mardosa au adop Debata bope maradopkon damang.

LUKAS 7:47

Hudok ma di ho: Holong ni rohania na songon i godang na nipatuduhonnia, i ma tandana bahaso na dung disesa dosania na bahat i! Muda nisesa dosa ni sada halak jana otik sajo do dosania, laing otik muse do holong ni roha tarpatuduhon ia.”

SURAT NI SI PAULUS TU PARLAGUTAN ROM 9:3

hara ni angka kahanggingku dongan sabangsongku. Harana, rade do au sandiri diburai Debata jana sirang sian Kristus hara ni halahi.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

JAKOBUS 5:16

Hara ni i, marsioku dosana ma hamu jana marsitangiangan anso dipamalum hamu. Na margogo situtu do tangiang ni halak na mangihutkon hagiot ni Debata.

1 SAMUEL 12:17

Pio-pio ma au tu Tuhan, jana haru pe logo ni ari di hatiha on, paroon ni Tuhan ma ronggur dohot udan na gabe songon alus ni tangiangki. Di ombas i, torang ma botoonmunu na godang do hape dosamunu maradopkon Tuhan hara ni na mangido sada raja hamu.”

1 SAMUEL 12:19

Gabe didok halahi ma tu si Samuel, “Tolong ma amang, tangiangkon ma hami on tu Tuhan Debatami, anso ulang mate hami. Saonnari torang ma hami boto, asing sian dosanami, madung mardosa muse hami hape hara ni na mangido sada raja.”

1 SAMUEL 12:20

Gabe dialusi si Samuel ma, “Ulang hamu mabiar, haru pe na dung dibaen hamu hajahatan i, ulang ma hamu marbalik sian Tuhan, tapi sai tongtong ma hamu mangoloi tuSia sian sandok rohamunu.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 2:17

Songon i ma anak ni si Eli na dua i mardosa godang di adopan ni Tuhan, hara ni na so adong be sangap ni halahi tu haul na nihaulkon tu Tuhan.