HARURUAR 32:27 - BIBEL JAMITA NA DENGGAN

²⁷ Didok ia ma tu halahi, “Pandok ni Tuhan, Debata ni Israel, parbobatkon hamu ma podangmunu jana mardalani ma hamu pahae pahulu mamolus parbandaran i sian horbangan na sada tu horbangan na sada nari, jana bunu ma ganop halak, angka kahanggimunu, ale-alemunu dohot tetanggamunu.”

HARURUAR 32:27 ပူးပေါင်းရင်းမြစ်များ

2 RAJA-RAJA 10:25

Disi mamungka na pasahatkon pelean i, manigor ruar ma si Jehu jana didok ia ma tu angka pangawal dohot angka parpangkat i, “Masuk ma hamu, bunu hamu ma halahi sude; ulang paloas hamu sahalak pe malua!” Masuk ma halahi marsisintak podangna, jana dibunu halahi ma sude halak na adong disi, laing diparsaratkon halahi ma angka bangkena i tu ruar. Dung i masuk ma halahi tu bagian parbagasan ni pamelean i,

HARURUAR 32:26

Gabe jongjong ma si Musa di pintu ni horbangan ni parbandaran i mandok hata ma ia, “Sanga ise na mamihak tu Tuhan ro ma tuson!” Jadi marlagut ma tu jolonia sude Marga Levi.

HARURUAR 32:28

Dibaen halak Levi ma songon na nidok ni si Musa, jana mate ma di na sadari i hira-hira tolu ribu halak.

HARURUAR 32:29

Dung i didok si Musa ma, “Pasahat hamu ma dirimunu mamungka sadari on tu Tuhan, marsigararkon hosa ni anakna dohot kahanggina ma hamu anso maruli pasupasu hamu.”

JEHESKIEL 9:5

Hubege ma didok Debata tu jolma na deba nari i, “Ihutkon hamu ma ia mandalani kota i sude jana bunu hamu ma ganop halak, ulang adong ampunanna.

BILANGAN 25:5

Dung i didok si Musa ma tu sude pamimpin ni Israel, “Ganop hamu angkon mamunu angka jolma sian margamunu na dung manyomba Baal-Peor.”

LUKAS 14:26

“Muda adong halak na ro tu Au, hape holongan do rohania mida inangnia, amangnia, dadaborunia, dakdanaknia, kahangginia, angka ibotonia dohot dirinia sandiri pe tehe, nada tarbaen halak na songon i gabe siihutkon Au.

2 KORINTUS 5:16

Jadi hara ni i, nada marguru tu parsuhatan ni jolma be hami manimbang halak. Najolo jungada do hami parsuhatkon parsuhatan ni jolma tu Kristus, tapi anggo saonnari nada be.

PANGARATAION 13:10

Angkon nidangguran do parsala i dohot batu lopus mate! Na giot padaoonnia ma hamu antong sian Tuhan Debatamunu na paluahon bangso on sian parhatobanan na di Mesir.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,