HARURUAR 32:25 - BIBEL JAMITA NA DENGGAN

²⁵ Diida si Musa ma, madung songon kudo na malua sian tambatan bangso i – patunda ni na nipalua ni si Harun lopus gabe siincahan ni angka musuna.

HARURUAR 32:25 ပူးပေါင်းရင်းမြစ်များ

PAMUNGKAAN 3:10

Dialusi halaklahi i ma, “Mabiar do au dung hubege Ho ro tu kobun on gabe martabuni au, angke marsaemara do au.”

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

1 RAJA-RAJA 14:16

Tadingkonon ni Tuhan noma Israel hara ni na dung mardosa si Jerobeam jana patundania gabe mardosai muse halak Israel.”

2 JUJUR TAON 28:19

Hara ni na nilanggar ni si Ahas raja ni Juda i angka hak ni rayatnia jana mangalo ia tu Tuhan, gabe dipamasa Tuhan ma hagaoran di Juda.

HARURUAR 32:26

Gabe jongjong ma si Musa di pintu ni horbangan ni parbandaran i mandok hata ma ia, “Sanga ise na mamihak tu Tuhan ro ma tuson!” Jadi marlagut ma tu jolonia sude Marga Levi.

PODA 29:18

Muda nada adong panogu-noguon ni Tuhan di sada bangso, gaor ma bangso i. Martua ma halak na maniop uhum.

JESAYA 47:3

Idaon ni halak ma ho na so marpakean, dilayasi jana dipaila-ila. Palalu hosom ma Au tu ho, jana nada haantahan sanga ise Au,”

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

HOSEA 2:3

Muda sai dipupu ia do na marhalaklahi, talduskononKu ma pakeannia i anso talak-talak ia songon di ari parsorangnia. Giot baenonKu noma ia songon tano na mahiang jana na gariang; gabe mate ma ia, mate manguas.”

MIKA 1:11

Hamu na maringanan di Safir, kehe ma hamu tu habuangan nada marpakean jana mardongan ila ni roha! Angka halak Zaanan nada puluk ruar sian kotana. Angguk ni halak Bet-Haesel, i ma patuduhon tu hamu na so adong be pangondian disi.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

PANGARATAION 9:20

Muruk sajo do Tuhan dohot tu si Harun, jabat do giot bunuonNa ia, gabe martangiang muse ma au salaho tusia.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”