HARURUAR 32:22 - BIBEL JAMITA NA DENGGAN

²² Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

HARURUAR 32:22 ပူးပေါင်းရင်းမြစ်များ

PAMUNGKAAN 44:18

Jadi ro ma si Juda tu jolo ni si Josep jana didok ia ma, “Ampun tuannami, paloas au jolo mandok hata tu tuan i. Ulang muruk tuan i tu au; sarupa do huetong tuan i dohot raja i sandiri.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 15:24

Gabe mungut-ungut ma halahi tu si Musa, marsapa, “Aha noma inumonta?”

HARURUAR 16:20

Hape adong do deba sian halahi na so manangihon hata ni si Musa i. Disimpan halahi do deba sian roti i. Hape ancogotna i gabe ulohon ma roti i jana bau, jana gabe muruk ma si Musa tu halahi.

HARURUAR 16:28

Dung i didok Tuhan ma tu si Musa, “Sadia honok nari hamu manulak mangoloi parentangKu?

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:21

Didok ia ma tu si Harun, “Aha do dibaen bangso on tu ho, umbaen na gabe diparo ho dosa na songon i godang tu halahi?”

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

PANGARATAION 31:27

Huboto do sanga na bia jogal ni roha ni bangso i jana na sai tagi-tagi mangalo. Na dung mangalo do halahi tu Tuhan salolot mangolu au, jana mur mangalo dope i muse dung marujung ngolungku.

PANGARATAION 9:24

Sian dung hutanda hamu, sai matua na mangalo do hamu tu Tuhan.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

1 SAMUEL 15:15

Dialusi si Saul ma, “Na nirampas sian halak Amalek do angka pahan-pahanan i. Angka biri-biri dohot lombu na jumeges madung dipambuati rayat i baen haul sihaulkonon tu Tuhan Debata. Tapi anggo lobina i, ma abis hami matehon.”

1 SAMUEL 15:21

Tapi anggo paranganki, madung dipilii halahi biri-biri dohot lombu na dumenggan sian angka na hona rampas i baen sihaulkonon di Gilgal gabe haul tu Tuhan Debatami.”

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.