HARURUAR 32:20 - BIBEL JAMITA NA DENGGAN

²⁰ Dung i dibuat ia ma anak ni lombu na nipature ni halahi i, ditutung ia ma tu api diduda ia ma lopus lamot, diduruskon ia ma tu aek jana disuru ia ma halak Israel manginumsa.

HARURUAR 32:20 ပူးပေါင်းရင်းမြစ်များ

1 RAJA-RAJA 15:13

Ompungnia si Maaka diparadiankon ia sian jabatanna songon Ina Na Mora i, hara ni na nibaennia patung gana-ganaan na jorbut idaon laho manyomba Asera, dewi ni hagabean. Di rumpakkon si Asa ma gana-ganaan i jana ditutung ia di Rura Kidron.

2 RAJA-RAJA 23:15

Ditutung ma patung ni debata boru-boru Asera jana inganan pamelean na di Betel disegohon. Raja Jerobeam anak ni si Nebat do na pajongjong pamelean i – i ma raja na mambaen halak Israel mardosa.

2 RAJA-RAJA 23:6

Laing diparuar ia muse do patung ni Debata Asera sian Bagas Ni Debata i, dioban ma i tu balian ni kota tu Rura Kidron. Ditutung ma disi patung i, diduda ma tiranggongna i lamot, jana disampakkon ma abuanna i tu ginjang ni kuburan ni halak na bahat.

2 JUJUR TAON 34:4

Diropuk-ropuk anak bua ni si Josia i ma angka patung dohot gana-ganaan i lalu diambungkon ma abuanna i tu ginjang ni kuburan ni angka jolma na mangahaulkon haul tu angka gana-ganaan i. Diparrumpakkon halahi ma angka langgatan ni Baal dohot angka langgatan pardupaan na adong disi.

HARURUAR 32:21

Didok ia ma tu si Harun, “Aha do dibaen bangso on tu ho, umbaen na gabe diparo ho dosa na songon i godang tu halahi?”

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 14:14

Halak na jahat mamutik batu ni hajahatan, halak na denggan mamutik batu ni hadengganan.

PANGARATAION 7:25

Angkon tutunganmunu do sude angka patung na nisomba ni halahi, ulang por rohamunu di sere sanga perak na lohot di angka patung i jana ulang buat hamu muse i baen di hamu sandiri. Muda dilanggar hamu parenta on, mate ma hamu, angke magigi do Tuhan maradopkon parsombaan tu patung.

PANGARATAION 7:5

Antong, angkon parrumpakkononmunu do angka langgatan ni bangso i, ropuhi hamu angka tiang batu na nietong ni halahi keramat, rumpakkon hamu angka gambaran ni Asera dewi ni halahi i jana tutungi hamu angka patung na nisomba ni halahi.

PANGARATAION 9:21

Antong patung na nibaenmunu i – lombu sere – huambungkon noma tu api. Huropuk ma i jana hududa lopus lamot songon abuan, lalu huambungkon ma abuna i tu bagasan anak ni batang aek na mardalan sian dolok i.