HARURUAR 32:15 - BIBEL JAMITA NA DENGGAN

¹⁵ Dung i manuat ma si Musa sian dolok i maroban batu si dua lambar uhum ni Debata na marsurat angkup be.

HARURUAR 32:15 ပူးပေါင်းရင်းမြစ်များ

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

HARURUAR 16:34

Dung i dipayakkon si Harun ma gunci i di jolo ni Poti Parjanjian anso disimpan songon na niparentahon ni Tuhan tu si Musa.

HARURUAR 24:12

Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

HARURUAR 24:18

Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 31:18

Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.

HARURUAR 32:16

Na nikarejohon ni Debata sandiri do batu i jana suratan ni Debata do suratna i na digorgahon di batu i.

HARURUAR 34:29

Di na manuat si Musa sian Dolok Sinai dioban ia ma dua batu hasaksian i; sian na so pamotoannia hape na marsinondang do bohinia hara ni na dung manghobari ia dohot Tuhan.

HARURUAR 40:20

Dung i dibuat ia ma batu na dua karambar i jana dipamasuk ia ma i tu Poti Parjanjian. Porsan-porsan ni Poti i disurukkon ia ma tu bagasan golang-golang pamorsananna lalu dipasang ma tutupna di ginjang.

2 KORINTUS 3:3

Idaon ni halahi sandiri do i paboa na songon surat ni Kristus hamu na nisuratkon markite-hite hami. Nada dohot tinta dibaen surat i, tapi dohot Tondi Parbadia na mangolu i do; nada di ginjang ni batu tulis muse, tapi di ate-ate ni jolma do.

2 KORINTUS 3:7

Dompak na manotopkon parjanjian na mamatehon i dohot na manyuratkon i di batu, marsinondang do hagodangan ni Debata marnyala-nyala. Hara ni torangna jabat inda tartontang halak Israel be bohi ni si Musa, haru pe madung mamungka mondap nian sinondang i di hatiha i. Antong, salangkan pamungkaan ni parjanjian na mamatehon i dirasmihon dohot sinondang na songon i torangna,

PANGARATAION 5:22

I ma angka parenta na nilehen ni Tuhan tu bangso na marlagut di dolok i. Di na mangkuling Ia mardongan sora na mangaronggur sian api dohot ombun dohot hagolapan i, disi ma Dilehen Ia angka parenta on, jana nada adong na asing Dilehen Ia. Lalu disuratkon Ia muse ma i di batu siduangkoping jana Dilehen Ia ma i tu au.”

PANGARATAION 9:15

Dung i manuat ma au sian dolok i, huoban batu sidua-dua na marsurat parjanjian i. Di na mardalan au mijur sian dolok i, haruar ma angka dila ni api.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.