HARURUAR 32:12 - BIBEL JAMITA NA DENGGAN

¹² Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

HARURUAR 32:12 ပူးပေါင်းရင်းမြစ်များ

PAMUNGKAAN 6:6

manyosal ma Tuhan hara ni na dung nitompaNia halahi jana dibaen Ia maringanan di tano on. I noma hancit ni roha ni Tuhan,

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

ESRA 10:14

Paloas ma angka pamimpinnami tinggal di Jerusalem on laho mangurus soal on. Jadi angkon ro be ma sanga ise na marripehon bangso na asing na adong di angka kotanami be di hatiha na ditontuhon rap dohot angka pamimpin dohot angka panguhum na di kotana be. Jadi muda songon i nada muruhan ni Debata be hita hara ni parkaro i.”

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 74:18

Ingot ma ale Tuhan, pangincahi ni musu i di Ho, marlayas goarMu dibaen bangso na so mananda Ho.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

MASMUR 85:3

Nada be dimuruki Ho halahi; parpiar ni murukMu ditarik Ho do mangulahi.

MASMUR 90:13

Ale Tuhan intap ni andigan sai milas rohaMu? Marpangulahi jana ibo ma rohaMu di angka naposoMon.

HARURUAR 32:14

Jadi gabe marpangulahi ma roha ni Tuhan i jana nada tulus didalankon Ia na nitahi ni rohaNia maradopkon bangso i parohon hamamago.

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

JESAYA 64:7

Nada adong na martangiang tu Ho, sanga pe pangurupionMu dipangido. Dibaen dibunihon Ho bohiMu sian hami, dipadiar Ho hami diago dosanami sandiri.

JESAYA 64:8

Tapi haru songon i pe, Ho do ale Tuhan, Amangnami, tano liat do hami, jana Ho noma manggana hami. Karejo ni tanganMu do hami sude.

JEREMIA 28:16

Hara ni i pandok ni Tuhan sandiri, limpotkonon noma ho sian sisik ni tano on. Laing di bagasan taon on mate noma ho, angke madung disuru ho bangso on mangalo tu Tuhan.”

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JEHESKIEL 20:22

Tapi nada Hupalalu songon i laho manjago anso ulang marlayas goarKu dibaen bangso na marnida Au maroban Israel ruar sian Mesir.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

AMOS 7:3

Gabe manolsoli ma Tuhan hara ni i. “Nada tulus tarjadi na niidami.”

AMOS 7:6

Gabe manolsoli ma Tuhan hara ni i. “On pe nada tulus tarjadi,” ninna Tuhan Debata.

JUNUS 3:9

Betak na ra do Debata manguba nietNia gabe nada muruk be, jadi nada tulus hita bunuonNia!”

ZAKARIA 8:14

Didok Tuhan Na Markuaso i ma, “Taran muruk Au dibaen angka ompumunu, Huputuskon do disi laho manguhumi halahi posi. Nada Hupauba haputusanKi, tapi Hudalankon do i.

BILANGAN 14:19

Saonnari ale Tuhan hara ni holong ni rohaMu jana angkon patulusonMu do janjiMu, pangidoanku sesa ma dosa ni halahi songon na dung niampunanMu halahi, mamungka sian dung ditinggalkon halahi tano Mesir.”

BILANGAN 16:21

“Sumurut ma hamu sian halahi, anso Hubunu halahi saonnari.”

PANGARATAION 13:17

Nada tola simpanonmunu di hamu anggo barang na hona bura, tapi angkon roncohononmunu do i. Jadi gabe mombun ma rimas ni Tuhan jana patuduhononNia ma ibo ni rohaNia tu hamu. Basa ma rohaNia tu hamu jana baenonNia ma hamu gabe bangso na godang, songon na nijanjihonNia tu ompumunu,

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

PANGARATAION 9:28

Muda laing pusaonMu do bangsoMon, gabe dokkonon ni halak Mesir ma na so tuk gogoMu maroban bangsoMon tu tano na dung nijanjihonMi tu halahi. Dokkonon ni halahi ma na giot mamunu bangsoMi do Ho umbaen dioban Ho halahi tu parhorsihan, hara ni goyak ni rohaMu tu halahi.

JOSUA 7:26

Dung salpu i, ditimbun halahi ma inganan i dohot batu bahat sajo. Laing disi dope angka batu i lalu tu saonnari. I ma dalanna umbaen laing digoari inganan i Rura Akor. Jadi gabe mombun ma muruk ni Tuhan.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”

1 SAMUEL 12:22

Madung disumpahon Tuhan bahaso na so tadingkononNia hamu angke madung diputuskon Ia do laho mambaen hamu gabe bangsoNia sandiri.