HARURUAR 32:1 - BIBEL JAMITA NA DENGGAN

¹ Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:1 ပူးပေါင်းရင်းမြစ်များ

PAMUNGKAAN 19:14

Jadi kehe ma si Lot mandapotkon dua halak doli-doli tunangan ni borunia i, jana didok ia ma, “Ompoti hamu ma ruar sian kota on, harana giot abiskonon ni Tuhan ma kota on.” Tapi diambang halahi na margonjak do si Lot.

PAMUNGKAAN 21:26

Didok si Abimelek ma, “Nada huboto dope bagi aha taringot tusi, nada unjung dope dipaboa ho i tu au, jana on dope huboto taringot tusi.”

PAMUNGKAAN 39:8

Nada ra si Josep jana didok ia ma, “Santabi nyonya, madung dipasahat tuanku si Potifar sandok sinadongannia anso huurus. Nada pola adong be sipikirannia di bagasan bagas on, hara ni na dison au.

PAMUNGKAAN 44:15

Jadi didok si Josep ma, “Na mambaen bia dehe hamu? Adong he na so diboto hamu do, anggo songon au on halakna, tarbaen au do da padapotkon hamu sian na martondung.”

PAMUNGKAAN 44:4

Dompak so sadia dao dope halahi sian kota i, didok si Josep ma tu kapala ni pangisi ni bagasnia i, “Ompoti jolo kojar halahi. Muda dung dapot, dok ma tu halahi, ‘Biasi dibaen hamu na jat balos ni na denggan?

MASMUR 106:19

Patung ni anak ni lombu sian sere di Sinai dibaen halahi, lalu marsomba halahi tu patung gana-ganaan i.

HARURUAR 13:21

Muda hatiha arian, mardalan ma Tuhan di jolo ni halahi di bagasan tiang ombun, jana hatiha borngin dijoloi Ia ma halahi di bagasan tiang api laho patidahon dalan. Dung songon i, tarbaen halahi ma mardalan arian dohot borngin.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 24:12

Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

HARURUAR 24:18

Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 32:11

Tapi dielek-elek si Musa do anso mombun roha ni Tuhan, Debatania i, didok ia ma, “Biasi ma he jabat songon i murukMu tu bangsoMu na dung diobanMi ruar sian Mesir mardongan hagogoon na tarlobi rap dohot tangan na gogo situtu?

HARURUAR 32:22

Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

HARURUAR 32:23

Na didok ni halahi do tu au, ‘Nada hami paboto-boto be sanga aha na masa tu bayo i, si Musa na maroban hita ruar sian tano Mesir; jadi tabaen ma di hita sada debata na manguluhon hita.’

HARURUAR 32:7

Didok Tuhan ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir.

HARURUAR 33:3

Masuhanmunu ma tano na gok susu dohot aer ni loba. Harana nada ra Au mardalan di tonga-tongamunu dibaen bangso sijogal rungkung do hamu anso ulang abis hamu lalu Hubaen di tonga dalan i.”

JEHESKIEL 20:8

Tapi dialo halahi do Au jana nada ditangihon halahi. Nada ra halahi mangambungkon angka patung sihagigian i jana nada ra halahi mantak marsomba tu gana-ganaan ni Mesir i. Dompak disi dope halahi madung hobas Au palalu murukKu tu halahi.

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

MATEUS 24:48

Tapi muda jahat do naposo i, didok ia di bagasan rohania,

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.

BAENON NI ANGKA RASUL 19:26

Saonnari madung tangkas diida jana dibege hamu sandiri sanga aha na nibaen ni si Paulus. Didok ia, anggo angka debata na nibaen ni tangan ni jolma, nada tutu i debata. Jana madung marbalik bahat halak dibaen ia gabe mangkaporsayai na niajarkonnia i. Nada hum di Epesus on sajo, tapi bolas dohonon madung sudena halak na saluat Asia on.

BAENON NI ANGKA RASUL 7:40

Ninna halahi do tu si Harun, ‘Baen ma angka gana-ganaan di hami anso i ma manguluhon hami. Harana nada hami boto be anggo taringot tu si Musa na maroban hami haruar sian Mesir i, sanga na bia ia!’

PANGARATAION 31:8

Tuhan sandiri do na giot manogu dohot mandongani ho. Nada pailaon sanga tadingkononNia ho. Antong, ulang ho mabiar sanga hurang togu rohamu.”

PANGARATAION 9:1

“Tangihon hamu ma angka dongan sabangso! Di ari on tariparanmunu ma Batang aek Jordan laho mambuat tano ni angka bangso na gumodang jana na gumogo sian hamu. Godang-godang do angka kota ni halahi, martembok na gincat marsijongjong lalu tu langit.

PANGARATAION 9:9

Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’

2 PETRUS 3:4

dokkonon ni halahi ma songon on, “Di dia do janji taringot tu haroroNia i? Madung pola marmatean angka ompunta, hape laing songon-songon i sajo do sandok na adong mamungka sian mula ni tano on!”