HARURUAR 30:6 - BIBEL JAMITA NA DENGGAN

⁶ Baen ma inganan ni langgatan on di ruar ni tire na di jolo ni Poti Parjanjian i. Disi ma Au giot marsuo dohot hamu.

HARURUAR 30:6 ပူးပေါင်းရင်းမြစ်များ

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

1 JUJUR TAON 28:11

Dung i dipasahat si Daud ma tu si Salomo sude sangkap na laho mambangun Bagas Ni Debata, mambangun angka gudang maradu angka kamarna sude dohot Bilik Na Sun Badia inganan pangampunan ni dosa.

HARURUAR 30:36

Deba sian pulunganna i angkon lamot do nigiling. Oban ma i tu Bandar ParmiananKu jana sirsirhon ma di jolo ni Poti Parjanjian i. Etong ma hamonyan i songon barang na badia sihaulkonon tu Au. Ulang dibaen ramuan na songon i laho mambaen hamonyan na sarupa tusi na giot di hamu sandiri.

HARURUAR 30:5

Angkon sian hayu ingul do baenonmu hayu pamorsanna i jana lampisi ma i dohot sere.

HARURUAR 30:7

Di ginjangna i ma si Harun manutung hamonyan dohot angka na huskus; ganop manyogot muda laho paiaskon angka lampu, angkon tutungonnia ma i.

HARURUAR 40:26

Dipayakkon ma langgatan sere di bagasan Bandar Parmianan i, di jolo ni tire i,

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

HARURUAR 40:5

Payakkon ma langgatan sere inganan panutungan ni hamonyan i di jolo ni Poti Parjanjian i jana angkon di pintu ni Bandar Parmianan do gantungkononmu tirena i.

HAMALIMON 16:13

Di jolo ni Tuhan angkon baenonnia hamonyan i tu bagasan api. Digohi timus i ma tutup ni Poti Parjanjian i, anso ulang tarpaida si Harun – angke, muda diida ia i, mate noma ia.

BILANGAN 17:4

Oban ma tungkot i tu Bandar ParmiananKu payakkon di jolo ni Poti Parjanjian i. Disi ma inganan parsuoanKu dohot ho.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.