HARURUAR 30:3 - BIBEL JAMITA NA DENGGAN

³ Angkon lampisonmu do i dohot sere na polin, humaliang di ginjang dohot humaliangna na opat i dohot angka tandukna i. Angkon baenonmu do bingkena sian sere humaliang.

HARURUAR 30:3 ပူးပေါင်းရင်းမြစ်များ

1 RAJA-RAJA 6:20

Anggo bilik i ginjangna, bidangna dohot gincatna rap sambilan meter be. Langgatanna dibaen sian hayu ares Libanon. Di pintu laho masuk tu bilik i dipahirtang rante sere. Sude Bagas Ni Debata i sabola sian bagasan dohot Bilik Na Sun Badia bope langgatanna dilampis do dohot sere.

1 RAJA-RAJA 7:48

Disuru si Salomo dope pauli angka parkokas sian sere, na hasaya di Bagas Ni Debata, i ma: Langgatan. Meja ni roti sihaulkonon tu Debata. Sampulu tiang ni lampu di jolo ni Bilik Na Sun Badia, i ma lima di sabola Selatan jana lima di sabola Utara. Bunga-bunga. Angka lampu. Angka gampit-gampit. Angka mangkuk. Parkokas pangintopi ni lampu. Angka sambong. Pinggan pardupaan. Inganan ni banggar. Encel-encel ni pintu ni Bilik Na Sun Badia dohot pintu-pintu parruar ni Bagas Ni Debata.

HARURUAR 25:11

Lampisi ma sian bagasan songon i sian duru dohot sere na polin jana baen bingkena humaliang laing sian sere.

HARURUAR 25:24

Lampis ma dohot sere na polin jana baen bingkena humaliang sian sere.

HARURUAR 30:2

Sogi opat ma i baen, 45 sentimeter ginjangna jana 45 sentimeter bidangna, jana gincatna 90 sentimeter. Domu do tandukna na di suhi-suhi na opat i tu langgatan i.

HARURUAR 30:4

Angkon baenonmu do dua golang-golang ni langgatan i dua sian sere di toru ni bingkena i; angkon baenonmu do di rusukna na dua i golang-golangna i sabola lambungna na dua i, jana angkon tumbuk ma tu golang-golangna na dua i susukkonon hayu pamorsanna, anso songon i ma pambaenna laho maroban langgatan i.

HALUMBAAN 8:3

Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.