HARURUAR 30:20 - BIBEL JAMITA NA DENGGAN

²⁰ Muda laho masuk halahi tu Bandar Parmianan i, angkon basuon ni halahi ma dohot aek i tangan dohot pat ni halahi, anso ulang mate halahi. Laing songon i muse ma muda giot ro halahi tu langgatan i laho mandalankon ibadat bope laho manutung haul na marapi tu Tuhan,

HARURUAR 30:20 ပူးပေါင်းရင်းမြစ်များ

1 JUJUR TAON 13:10

Hape muruk ma Tuhan tu si Usa jana diuhumi ma ia hara ni na nitiopnia Poti Parjanjian i. Laing mate santongkin i do si Usa dibunu Debata. Jadi mamungka sian i ma inganan i margoar “Peres Usa”. Muruk ma si Daud hara ni na songon i borat ni uhuman ni Tuhan tu si Usa.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

HARURUAR 12:15

Didok Tuhan, “Pitu ari honokna nada tola panganonmunu roti na marragi. Di ari parjolo, nada tola adong ragi di bagasmunu, angke muda adong halak mangan roti na marragi di bagasan pitu ari i, nada etongon be ia bangsongKu.

HARURUAR 30:19

Jadi angkon sian aek na disi i ma si Harun dohot angka dakdanaknia mamasu pat dohot tangan ni halahi.

HARURUAR 30:21

angkon basuon ni halahi do tangan dohot pat ni halahi, anso ulang mate halahi. Songon i ma na nitotopkon di halahi tongtong salolot-lolotna, disia dohot di angka pomparannia marsundut-sundut.”

HARURUAR 40:31

Disi ma si Musa, si Harun dohot angka anaknia marbasu tangan dohot pat

HAMALIMON 16:4

Dung i dilehen Tuhan muse dope angka paraturan. Taran so masuk si Harun tu Bilik Na Sun Badia i, angkon maridi ia jolo, dung i dipake ia pakean ni malim, i ma baju dohot saraor pendek sian abit linen, bobat dohot saroben.

HAMALIMON 8:6

Disuru si Musa ma si Harun dohot angka anakna i tu jolo, jana disuru ia halahi mamasu diri ni halahi mangihutkon ugamo.

BAENON NI ANGKA RASUL 5:10

Laing manigor santongkin i tinggang ma dadaboru ni si Ananias i lalu mate di jolo ni si Petrus. Jadi di na masuk angka doli-doli i, ma mate ia didapot halahi. Dung i ditaruhon halahi muse ma ia tu balian, jana ditanom halahi di lambung ni halaklahinia i.

BAENON NI ANGKA RASUL 5:5

Disi dibege si Ananias hata i, tinggang ma ia lalu mate. Gabe mabiar ma sudena halak na umbege na masa i.

1 SAMUEL 6:19

Tapi hara ni na ditungkir ni halak Bet-Semes tu bagasan Poti Parjanjian ni Tuhan i, gabe hona bunu do dibaen Tuhan sian halahi pitu pulu halak. Gabe marsiluluton ma rayat i hara ni na nipadondonkon ni Tuhan sitaonon na songon i godang tu halahi.