HARURUAR 30:18 - BIBEL JAMITA NA DENGGAN

¹⁸ “Angkon baenonmu do sambong dohot muse do ingananna sian tumbaga baen pamasuan, jana baen ma i di antara ni Bandar Parmianan dohot langgatan i, jana baen ma aek tu bagasan.

HARURUAR 30:18 ပူးပေါင်းရင်းမြစ်များ

1 RAJA-RAJA 7:23

Dung i dipauli si Hiram muse ma kula na tingko na nibaen sian tumbaga, na marukuran songon on, bagasna 2,2 meter langka tongana 4,4 meter jana marhatingkoan 13,2 meter.

1 RAJA-RAJA 7:38

Dipauli si Hiram dope sampulu sambong na godang, sada be ganop kareta. Ganop sambong langka tongana 1,8 meter masuk salapan ratus liter aek.

2 JUJUR TAON 4:2

Laing dibaen muse dope sada bak loyang na tingko, bagasna 2,2 meter, langka tongana 4,4 meter, jana langka humaliangna 13,2 meter.

2 JUJUR TAON 4:6

Laing dibaen Raja Salomo dope sampulu sambong na godang, lima ma i sibaenon di sabola Selatan ni Bagas Ni Tuhan i, jana lima nari di sabola Utarana. Guna ni angka sambong i, i ma inganan pamasuan ni angka juhut ni binatang na niponggolan na giot situtungon gabe haul. Anggo aek na di sambong na godang i, di angka malim do haporluan ni i laho mangias dirina.

HARURUAR 30:17

Didok Tuhan ma tu si Musa,

HARURUAR 31:9

langgatan panutungan dohot angka panjamaanna, sambong pamasuan dohot jongjonganna,

HARURUAR 38:8

Dibaen si Besaleel ma bak, sian tumbaga jana ojahanna pe laing tumbaga muse. Sian angka sormin ni angka dadaboru do dibuat tumbaga i, i ma angka dadaboru na markobas na di Pintu ni Bandar Parmianan Ni Tuhan.

HARURUAR 40:7

Langgatan baen haul situtungon i angkon di antara ni Bandar Parmianan dohot langgatan do i baenonmu lalu baen ma aek tusi.

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

HAMALIMON 8:11

Dung i dibuat si Musa ma deba sian miak i, jana dipispiskon ia pitu noli tu ginjang ni langgatan i, bope tu sude parkokas na adong disi dohot tu ginjang ni huali dohot payahanna. Songon i ma dibaen ia pasahatkon sudena i tu Tuhan.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.