HARURUAR 30:13 - BIBEL JAMITA NA DENGGAN

¹³ Songon on ma haul ni halahi, tarmasuk ma disi angka halak na tardaftar i; satonga sikal, na nitimbang di sikal na badia – dua pulu gera boratna sikal on; – satonga sikal on ma boratna haul sipasahaton tu Tuhan.

HARURUAR 30:13 ပူးပေါင်းရင်းမြစ်များ

PAMUNGKAAN 23:15

“Tano na saotik, na mararga hum opat ratus hepeng perak – aha ma he arti ni i di hita na dua? Kuburkon sajo ma dongan sabagasmi disi.”

2 RAJA-RAJA 12:4

Sanoli dipio si Joas ma angka malim, jana disuru ia ma halahi pasimpan hepeng na dapot sian na nipasahat di Bagas Ni Debata, betak na panggararan ni na mandalankon haul pe i, sanga pe hepeng silehen-lehen.

2 RAJA-RAJA 12:5

Ganop malim angkon martanggung jawab ma di hepeng na nipasahat ni angka halak na nioloannia. Hepeng i ma na giot sipakeon laho padenggankon angka na sego di Bagas Ni Debata.

HARURUAR 30:14

Ganop halak na giot daftarkonon i, na marumur dua pulu taon tu ginjang, angkon pasahatonna ma haul sisongon i tu Tuhan.

HARURUAR 38:24

Sere na dihaulkon baen tu Bandar Na Badia pungu ma sude saribu kilo, na ditimbang mangihutkon timbangan na rasmi.

HARURUAR 38:26

Sai ma bahat ni panggararan ni halak Israel, sude na tarsurat di sensus i. Ganop halak manggarar ma hombar tu na ditontuhon, ditimbang do i mangihutkon timbangan na rasmi. Di sensus i tarsurat ma 603.550 bahat ni halaklahi na marumur dua pulu taon tu ginjang.

JEHESKIEL 45:12

Angkon songon on do timbanganmunu: 1 sikal=20 ringgit 1 mina=60 mas

HAMALIMON 27:25

Sude arga ditontuhon mangihutkon arga na dung ditotopkon.

HAMALIMON 27:3

Mangihutkon arga na dung ditotopkon: – halaklahi sian umur dua pulu tu onom pulu taon, 50 hepeng perak – dadaboru na magodang 30 pulu hepeng perak – anak halaklahi, umur lima tu dua pulu taon, 20 hepeng perak – anak dadaboru 10 hepeng perak – anak halaklahi na menek di toru ni lima taon 5 hepeng perak – anak dadaboru na menek 3 hepeng perak – halaklahi di ginjang ni 60 taon, 15 hepeng perak – dadaboru di ginjang ni 60 taon, 10 hepeng perak.

HAMALIMON 5:15

Muda adong sada halak na mardosa so hara ni na niuntilna, hara ni na lalap ia pasahat silehen-lehen na patut tu Tuhan, angkon obanon ni halahi ma haul tobus ni hasalaan. Ia haul i, i ma sada biri-biri sanga hambeng jantan na so martihas. Diasam ma argana mangihutkon arga markite ukuran na marlaku di inganan na badia i.

BILANGAN 18:16

Tobuson do dakdanak i hatiha marumur sabulan. Arga na dung ditontuhon tusi, i ma lima hepeng perak mangihutkon ukuran na rasmi.

BILANGAN 3:47

Ganop sada dakdanak, gararonmunu lima hepeng perak mangihutkon na dung ditotopkon,

MATEUS 17:24

Jadi dung lalu Jesus rap dohot angka anak siseanNia i tu Kapernaum, ro ma tu si Petrus angka sijagit pajak ni Bagas Ni Debata manyapai ia, “Manggarar pajak na dua dirham i dehe Gurumunu i sanga nada?”

MATEUS 21:12

Dung i masuk ma Jesus tu alaman ni Bagas Ni Debata. Dipaorot Ia ma sude angka na marjagal disi. Diparbalikkon Ia ma sude meja ni angka panukar hepeng dohot bangku-bangku ni parjagal darapati.

MATEUS 27:24

Diida si Latus ma na so marguna be hatania i sude. Aropku mur mambaen gaor ma halahi laho mangalo, ning rohania. Ujungna dibuat ia ma aek. Dibasu ia ma tangannia di jolo ni halak na bahat i. Didok ia ma hatania, “Inda ahana di au muda mate halak na tigor on! Sahat di hamu ma i!”