HARURUAR 30:10 - BIBEL JAMITA NA DENGGAN

¹⁰ Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

HARURUAR 30:10 ပူးပေါင်းရင်းမြစ်များ

1 RAJA-RAJA 1:50

Gabe mabiar situtu ma si Adonia mida si Salomo, pola kehe ia maniop angka tanduk ni langgatan di Bandar Parmianan Ni Tuhan.

1 JUJUR TAON 6:49

Anggo si Harun dohot pomparanna, martugas manutung hamonyan ma halahi, manghaulkon haul situtungon di ginjang ni langgatan, mandalankon sude ibadat di Bilik Na Sun Badia dohot manghaulkon haul panyesa dosa ni umat Israel. Sudena i didalankon halahi do hombar tu angka na nipaboa ni si Musa naposo ni Debata i.

HARURUAR 30:11

Didok Tuhan ma tu si Musa,

HARURUAR 30:9

Nada tola haulkononmunu hamonyan na so tola haulkonon, sanga haul binatang, sanga haul eme di ginjang ni langgatan i; ulang diduruskon muse aek ni anggur di ginjangna i.

HAMALIMON 16:16

Songon i ma pangalahona laho paiaskon Bilik Na Sun Badia sian haramunon ni bangso Israel dohot sian sude dosa ni halahi. Bandar Parmianan i angkon badia baenon, angke ingananna di tonga-tonga ni halahi i do, jana hona tu haramunon ni halahi.

HAMALIMON 16:18

haruar ma si Harun kehe tu langgatan ni haul situtungon laho pabadiahon langgatan i. Angkon buatonnia saotik sian mudar ni lombu dohot hambeng i, anso diusehon tu ginjang ni angka tanduk na di suhi-suhi ni langgatan i.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

HAMALIMON 4:18

Saotik sian mudar i angkon diapuskon tu angka tanduk na di suhi-suhi ni langgatan hamonyan di Bandar Parmianan. Lobina i diduruskon tu ojahan ni langgatan inganan ni haul situtungon na di ruar ni Bandar Parmianan di jolo ni pintuna i.

HAMALIMON 4:7

Angkon niapuskon muse ma saotik sian mudar i tu angka tanduk na di suhi-suhi ni langgatan i mardongan hamonyan na huskus na di bagasan Bandar Parmianan. Lobi ni mudar i angkon niusehon tu ojahan ni langgatan ni haul situtungon di balian ni Bandar Parmianan di jolo ni pintuna i.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 9:25

Ganop taon do Malim Godang ni halak Jahudi masuk tu Bilik Na Sun Badia na di Bagas Ni Debata, maroban mudar ni sada pahan-pahanan. Tapi anggo Kristus nada marpupu Ia manghaulkon diriNia.

IBRANI 9:7

Anggo na masuk tu bilik parbagasan ni bandar i hum Malim Godang i sajo do. I pe, hum sanoli sataon do i tola. I pe angkon mamboan mudar do ia patuluskon i, i ma sisombahononkon tu Debata hara ni ia sandiri dohot hara ni angka dosa na nibaen ni bangsonia i sian na so pamotoanna.

HALUMBAAN 9:13

Dung i diombus surusuruan na paonomkon ma sarunenia. Gabe hubege ma sada sora na ruar sian na opat tanduk ni parkaulan sere di adopan ni Debata.