HARURUAR 30:1 - BIBEL JAMITA NA DENGGAN

¹ “Baen ma sada langgatan sian hayu akasia, inganan panutungan ni haminjon.

HARURUAR 30:1 ပူးပေါင်းရင်းမြစ်များ

1 RAJA-RAJA 6:20

Anggo bilik i ginjangna, bidangna dohot gincatna rap sambilan meter be. Langgatanna dibaen sian hayu ares Libanon. Di pintu laho masuk tu bilik i dipahirtang rante sere. Sude Bagas Ni Debata i sabola sian bagasan dohot Bilik Na Sun Badia bope langgatanna dilampis do dohot sere.

1 RAJA-RAJA 7:48

Disuru si Salomo dope pauli angka parkokas sian sere, na hasaya di Bagas Ni Debata, i ma: Langgatan. Meja ni roti sihaulkonon tu Debata. Sampulu tiang ni lampu di jolo ni Bilik Na Sun Badia, i ma lima di sabola Selatan jana lima di sabola Utara. Bunga-bunga. Angka lampu. Angka gampit-gampit. Angka mangkuk. Parkokas pangintopi ni lampu. Angka sambong. Pinggan pardupaan. Inganan ni banggar. Encel-encel ni pintu ni Bilik Na Sun Badia dohot pintu-pintu parruar ni Bagas Ni Debata.

1 JUJUR TAON 28:18

bahat ni sere na polin sipakeon laho mambaen langgatan inganan panutungan ni hamonyan dohot laho mambaen kareta inganan ni angka kerub di ginjang ni Poti Parjanjian ni Tuhan i.

1 JUJUR TAON 6:49

Anggo si Harun dohot pomparanna, martugas manutung hamonyan ma halahi, manghaulkon haul situtungon di ginjang ni langgatan, mandalankon sude ibadat di Bilik Na Sun Badia dohot manghaulkon haul panyesa dosa ni umat Israel. Sudena i didalankon halahi do hombar tu angka na nipaboa ni si Musa naposo ni Debata i.

2 JUJUR TAON 26:16

Dung gogo Raja Usia gabe ginjang ma rohania, jana i ma na maroban ia tu hasegoan. Dilanggar ia ma parenta ni Tuhan Debatania, harana masuk ma ia tu Bagas Ni Debata laho manutung dupa di ginjang ni langgatan pardupaan.

HARURUAR 30:10

Sanoli sataon angkon baenon ni si Harun upacara pabadiahon langgatan i; dipispis ia ma tandukna na opat i dohot mudar ni binatang na dihaulkon i baen panyesa ni dosa. Angkon baenon do songon i ganop taon sapanjangna. Angkon badia do langgatan on sudena, dihaulkon tu Au Tuhan.”

HARURUAR 30:2

Sogi opat ma i baen, 45 sentimeter ginjangna jana 45 sentimeter bidangna, jana gincatna 90 sentimeter. Domu do tandukna na di suhi-suhi na opat i tu langgatan i.

HARURUAR 31:8

meja dohot angka panjamaanna, parlampuan dohot panjamaanna, dohot langgatan panutungan i,

HARURUAR 35:15

langgatan panutungan ni hamonyan dohot hayu pamorsananna, miak sipakeon di upacara pamiahion dohot parmasak sian angka na huskus, tire ni pintu ni Bandar Na Badia i;

HARURUAR 39:38

langgatan sere, miak upacara, pultak ni hamonyan, tire baen pintu ni Bandar Parmianan,

HARURUAR 40:5

Payakkon ma langgatan sere inganan panutungan ni hamonyan i di jolo ni Poti Parjanjian i jana angkon di pintu ni Bandar Parmianan do gantungkononmu tirena i.

JEHESKIEL 41:22

langgatan sian hayu. Sada satonga meter gincatna jana bidangna sameter. Suhi-suhina, ojahanna dohot dingdingna i sian hayu do dibaen. Didok bayo i ma tu au, “On ma meja na di jolo ni haroroan ni Tuhan.”

HAMALIMON 4:18

Saotik sian mudar i angkon diapuskon tu angka tanduk na di suhi-suhi ni langgatan hamonyan di Bandar Parmianan. Lobina i diduruskon tu ojahan ni langgatan inganan ni haul situtungon na di ruar ni Bandar Parmianan di jolo ni pintuna i.

HAMALIMON 4:7

Angkon niapuskon muse ma saotik sian mudar i tu angka tanduk na di suhi-suhi ni langgatan i mardongan hamonyan na huskus na di bagasan Bandar Parmianan. Lobi ni mudar i angkon niusehon tu ojahan ni langgatan ni haul situtungon di balian ni Bandar Parmianan di jolo ni pintuna i.

BILANGAN 3:31

Halahi do nampuna karejo mangurus Poti Parjanjian, meja, inganan ni lampu, angka langgatan, angka parkokas na nipake ni malim di Inganan Na Badia, dohot tire na di Bilik Na Sun Badia i. Halahi do nampuna karejo na mardomu tu barang-barang na disi.

BILANGAN 4:11

Dung i pahirbangon ni halahi ma sangkarambar abit na rata langit di ginjang ni langgatan sere i jana ditutup muse dohot sangkarambar bobak na halus, dung i dipamasuk ma hayu pamorsan ni langgatan i.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.

HALUMBAAN 8:3

Ro ma sada surusuruan na asing na maroban pardupaan sere, jongjong di jolo ni meja inganan ni haul i. Madung dilehen tusia bahat sajo hamonyan sibaenon tu angka tangiang ni sudena halak na badia jana sihaulkonon di meja parhaulan na adong ni jolo ni habangsa i.