HARURUAR 3:9 - BIBEL JAMITA NA DENGGAN

⁹ Madung Hubege tangis ni bangsongKi jana madung Huida sanga songon dia halahi diparkanciti halak Mesir.

HARURUAR 3:9 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 31:12

Didok surusuruan i ma muse, ‘Ligi pe da, bolang dohot na marturik do sude hambeng jantan i. Au do mambaen songon i, angke madung Huida sanga songon dia pambaen ni si Laban maradopkon ho.

2 RAJA-RAJA 13:4

Jadi martangiang ma si Joahas tu Tuhan, jana ditangihon Tuhan ma tangiangnia i angke diida ia ma sanga songon dia hacitna pambaenan ni raja Siria i mamisat halak Israel.

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

HARURUAR 3:7

Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

PANGARATAION 26:7

Dung i pio-pio ma hami mangido tolong tu Tuhan Debata ni ompunta i. Ditangihon Ia do pio-pionta i jana diida Ia do pardangolanta hasusaan dohot sitaononta i.

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”