HARURUAR 3:8 - BIBEL JAMITA NA DENGGAN

⁸ Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 3:8 ပူးပေါင်းရင်းမြစ်များ

PAMUNGKAAN 11:5

Jadi mijur ma Tuhan laho mangaligi kota dohot tugu na nipajongjong ni jolma i.

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

PAMUNGKAAN 15:13

Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

PAMUNGKAAN 15:14

Tapi uhumonKu do bangso na marhatobankon pomparanmu; jana di na manadingkon luat i pomparanmu, obanon ni halahi ma bahat arta sinadongan.

PAMUNGKAAN 18:21

Na giot manuat do Au tu sadu anso Huboto sanga na tutu do, sanga nada angka tuhas-tuhas na Hubege i.”

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

PAMUNGKAAN 46:4

Kehe ma Au tu Mesir rap dohot ho, jana boanonKu ma pomparanmi mangulahi tu luat on. Di lambungmu do si Josep muda dumpang ma hatihana tutuponmu matamu.”

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

1 JUJUR TAON 1:15

Hewi, Arki, Sini,

NEHEMIA 9:8

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 34:8

Ligi jana dai sandiri ma hadengganan ni Tuhan, martua ma sanga ise na maronding tuSia.

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 12:51

Di ari i ma dioban Tuhan halak Israel i ruar sian tano Mesir songon sada parangan.

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

HARURUAR 5:23

Sian dung ro au manopot raja i mangkatai marhite goarMu, mur diparkanciti ia ma bangso on. Hape nada adong dibaen Ho sanga aha laho mangurupi halahi.”

JESAYA 36:17

lopus hupabungkas hamu muse tu luat na tudos tu tanomunu sandiri. Adong do disi kobun anggur na mangalehen anggur di hamu, dohot ladang gandum na mangalehen topung baen balanjomunu.

JESAYA 64:1

Sibakkon ma langit, jana mijur ma Ho ale Tuhan, baen ma angka dolok humutur hara ni biarna,

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 2:7

Tu tano napu Hutaruhon halahi laho mandai sude suha ni tano i. Hape dipahodar halahi do tanongKi disi diparsayang halahi do sinadonganKi.

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

BILANGAN 13:18

Pareso hamu ma sanga bia luat i, sadia na mangingani jana sadia do hagogoon ni halahi.

BILANGAN 13:19

Pareso hamu, denggan do luat i sanga nada, di dia do inganan ni pangisi ni luat i, di angka kota do umbahat sanga di angka kota na marbenteng.

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

PANGARATAION 1:25

Dung i mulak ma halahi mandapotkon hita maroban batu ni hayu na dapot ni halahi sian i jana dipabotohon halahi ma na napu situtu do tano na giot silehenon ni Tuhan Debatanta i.

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

PANGARATAION 27:3

Angkon suratkononmunu do di angka batu i sude uhum dohot pangajaran on. ‘Muda dung dimasuhi hamu tano na mora boti na napu na nijanjihon ni Tuhan, Debata na nisomba ni ompumunu i,

PANGARATAION 28:11

Basa-basahononNa ma di ho bahat anak. Bahat ma pahan-pahananmunu jana marlobian suha ni ladangmunu di tano na nijanjihon ni Tuhan i tu ompumunu di hamu.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.

JOSUA 9:1

Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”