HARURUAR 3:7 - BIBEL JAMITA NA DENGGAN

⁷ Dung i didok Debata ma, “Madung Huida parkancitan ni bangsongKu di Mesir. Madung Hubege angguk-angguk ni halahi mangido anso dipalua sian angka na mamparkanciti halahi. Olo! Madung Huboto pardangolan ni halahi.

HARURUAR 3:7 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 18:21

Na giot manuat do Au tu sadu anso Huboto sanga na tutu do, sanga nada angka tuhas-tuhas na Hubege i.”

PAMUNGKAAN 21:17

Dibege Debata ma sora ni tangis ni si Ismael i jana ro ma sora ni surusuruan ni Debata sian langit mandok hata tu si Hagar, ninna ma, “Aha dehe na niarsakkonmu Hagar? Ulang ho mabiar, madung dibege Debata tangis ni anakmi.

PAMUNGKAAN 29:32

Denggan ma pamatang ni si Lea, jadi sorang ma sada anaknia halaklahi. Ning ia ma, “Ditatap Tuhan do hape hasusaanku, jana haholongan ni halaklahingku noma au.” Jadi dibaen ia ma goar ni anaknia i, si Ruben.

PAMUNGKAAN 31:12

Didok surusuruan i ma muse, ‘Ligi pe da, bolang dohot na marturik do sude hambeng jantan i. Au do mambaen songon i, angke madung Huida sanga songon dia pambaen ni si Laban maradopkon ho.

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

2 SAMUEL 22:28

Ingkon do sai ditolong Tuhan halak na patoruk rohana, tapi dipatoruk Ia do halak siginjang roha.

2 RAJA-RAJA 13:4

Jadi martangiang ma si Joahas tu Tuhan, jana ditangihon Tuhan ma tangiangnia i angke diida ia ma sanga songon dia hacitna pambaenan ni raja Siria i mamisat halak Israel.

2 RAJA-RAJA 20:5

mangulahi mandapotkon si Hiskia raja ni bangso ni Tuhan jana dipalalu ia ma tona on, “Au do Tuhan na nisomba ni ompumu si Daud, madung Hubege tangiangmi jana Huida do ilu ni matami. Hupamalum pe ho; ancogot haduan kehe ma ho tu Bagas Ni Debata.

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

MASMUR 106:44

Tapi di na pio-pio halahi, laing ditangihon Ho do, diparrohahon Ho do hasusaan ni halahi, ale Tuhan.

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 142:3

Di hatiha mandele rohangku diboto Ho do sanga aha noma na angkon baenonku. Di dalan na angkon sibolusonki ditaon musu i do jorat di na buni maradopkon au.

MASMUR 145:19

Dipasonang Ia do roha ni angka na burju marugamo, ditangihon Ia do pio-pio ni halahi jana dipalua Ia.

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 35:22

Tapi diboto Ho do sudena i, ale Tuhan, ulang be Ho sai mandao-dao jana sai hohom.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

HARURUAR 1:11

Dung i diangkat halak Mesir i ma angka mandur ni parkarejo tu halak Israel laho mamparkanciti halahi. Angka halak Israel disuru karejo paksa, pauli angka kota inganan ni parbalanjoan di raja i, i ma kota Pitom dohot kota Ramses.

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

HARURUAR 22:23

Muda dibaen hamu songon i, Au do Tuhan, Au sandiri ma mangalusi halahi muda pio-pio mangido tolong tu Au.

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

HARURUAR 5:10

Sude panjago rodi ni halak Mesir dohot angka mandur halak Israel kehe ma mandokkon tu halak Israel i. “Madung diparentahon raja i nada lehenon be durame di hamu.

HARURUAR 5:6

Laing di ari i sude panjago rodi bangso Mesir dohot angka mandur sian Israel manjagit parenta sian raja i.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

BILANGAN 20:16

gabe pio-pio hami tu Tuhan mangido pangurupion. Ditangihon Tuhan do pangidoannami gabe disuru Ia sahalak surusuruan. Surusuruan i do maroban hami haruar sian tano Mesir. Saonnari maradian di Kades do hami, i ma sada kota di parbandaran ni tano ni raja i.

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

IBRANI 4:15

Angke anggo Malim Godang i nada malim na so dohot mangkilala angka hagaleanta. Ma pola hona uji Ia di sude ragam ni pangalaho, laing songon hita; hum i tutu, nada mardosa Ia!

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”