HARURUAR 3:6 - BIBEL JAMITA NA DENGGAN

⁶ Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 3:6 ပူးပေါင်းရင်းမြစ်များ

PAMUNGKAAN 12:1

Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 17:3

Gabe manungkap ma si Abram, dung i didok Debata ma,

PAMUNGKAAN 24:12

Jadi martangiang ma hatoban i, “O Tuhan, Debata ni tuanku si Abraham, urupi ma au anso denggan manjadi sadari on na hudalankon, jana ingot ma janjiMu na tu tuanku si Abraham.

PAMUNGKAAN 26:24

Jadi borngin i dipataridahon Debata ma diriNa tusia mandok, “Au ma da Debata ni amangmu si Abraham. Ulang ho mabiar. Au do mandongani ho. PasupasuonKu ma ho jana lehenonKu ma tu ho bahat pomparanmu hara ni janjingKu tu naposongKu si Abraham.”

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 28:17

Jadi gabe mabiar ma ia, ning ia ma, “Na hebat ma antong inganan on! Pasti on do bagas ni Debata; pasti on do horbangan ni banua ginjang.”

PAMUNGKAAN 31:42

Sugari sura na so nidonganan ni Debata ni daompung au, i ma Debata na nisomba ni si Abraham dohot si Ishak, ma pasti rumar tanganku paorotonmu. Tapi madung diparrohahon Debata hasusaanki dohot parkarejoan na dung hubaen i, jana napotangin, madung dilehen Ia haputusanNa.”

PAMUNGKAAN 32:9

Dung i martangiang ma si Jakob, “O, Debata na nisomba ni daompung si Abraham, jana na nisomba ni damang si Ishak, tangihon ma au! Ho do na marsuru au ale Tuhan, anso mulak au mangulahi tu luatku dohot tu angka koum sisolkotku. Jana dijanjihon Ho do na aturonMu sude angka na denggan di au.

1 RAJA-RAJA 18:36

Dung dapot hatihana laho manghaulkon haul andospotang, dipadonok si Elia ma tu langgatan i, martangiang ma ia. Didok ia ma, “Tuhan Debata na nisomba ni si Abraham, si Ishak dohot si Jakob! Patandahon ma saonnari bahaso Ho do na tutu Debata ni Israel, jana au ma naposoMu; dohot sasude na hubaen on na niparentahonMu do.

1 RAJA-RAJA 19:13

Dung dibege si Elia pangombus ni alogo i, digupgupi ia ma bohinia dohot jubania i, ruar ma ia jana dipajongjong ia ma di pintu ni liang i. Didok sora i ma tusia, “Na mahua dehe ho dison Elia?”

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

ESTER 3:4

jana ganop ari do ia disosak halahi anso mangoloi sajo ia, tapi nada ra ia manangihon. Didok ia, “Halak Jahudi do au, nada tarbaen au manungkap di jolo ni jolma.” Jadi gabe dilapurkon halahi ma i tu si Haman dibaen giot botoon ni halahi sanga na bia do sibaenon ni si Haman maradopkon si Mordehai.

MASMUR 132:2

Ulang halupahon janjinia, ale Debata ni si Jakob, haulnia na tu Ho, Tuhan Na Gumogo.

HARURUAR 15:2

Tuhan do na gogo mangondihon au sasadaSa do na dung paluahon au. Ia do Debatangku, pujionku ma Ia, Debata ni daompung, huendehon ma hagodanganNa.

HARURUAR 29:45

Maringanan ma Au di tonga-tonga ni halak Israel, jana Au ma Debata ni halahi.

HARURUAR 3:16

Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

HARURUAR 33:20

Laing didok Ia dope, “Anggo bohingKu nada Hupatola ligionmu, angke nada adong na tarbaen mangolu sanga ise na marnida bohingKu.

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

JEREMIA 24:7

LehenonKu ma tu halahi por ni roha laho mamboto bahaso Au do Tuhan. Jadi gabe bangsongKu ma halahi, jana Au gabe Debata ni halahi, angke mulak do halahi tu Au sian sandok rohana.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:38

Gabe bangsongKu ma halahi, jana Au gabe Debata ni halahi.

JEHESKIEL 11:20

Jadi oloan ni halahi ma angka aturanKu jana haburjuhononna mangihutkon sandok parentangKu. Gabe bangsongKu ma halahi jana Au gabe Debata ni halahi.

ZAKARIA 8:8

jana Au mangoban halahi mulak, anso maringanan halahi di Jerusalem hara ni i gabe bangsongKu ma halahi jana Au Debata ni halahi di bagasan hatigoran dohot hasintongan.”

MATEUS 17:6

Dung dibege anak sisean ni Jesus i sora i, mabiar sajo ma halahi jabat tungkap be tu tano i.

MATEUS 22:32

‘Au do Debata ni si Abraham, Debata ni si Ishak dohot Debata ni si Jakob.’ Inda Debata ni halak na mate anggo Debata, Debata ni halak na mangolu do Ia!”

MARKUS 12:26

Dung i anggo taringot tu angka na mate i na dipangolu mangulahi, adong he na so jungada dope disise hamu di buku ni si Musa taringot tu ramba na gor i? Di angka ayat i adong do tarsurat na nidok ni Debata tu si Musa songon on, ‘Au do Debata ni si Abraham, Debata ni si Ishak dohot Debata ni si Jakob.’

LUKAS 20:37

Si Musa pe tangkas do dipaboa ia, mulak dipangolu do mangulahi halak na mate. Di suratnia i, i ma taringot tu ramba-ramba na mosok i dipaboa ia do, anggo Tuhan i, i ma, ‘Debata ni si Abraham, Debata ni si Ishak dohot Debata ni si Jakob.’

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

BAENON NI ANGKA RASUL 7:32

‘Au do Debata ni angka ompungmu; Debata ni si Abraham, si Ishak dohot si Jakob.’ Humitir ma si Musa hara ni biarna, nada puluk be ia mangaligina.

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

IBRANI 12:21

Sanga aha na niida ni halak Israel i, i noma sogenna jabat didok si Musa, “Mabiar do au jana humitir!”

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

HAKIM-HAKIM 13:22

Jadi didok si Manoah ma tu ripenia i, “Pasti na giot mate noma hita on, angke madung taida Debata.”