HARURUAR 3:5 - BIBEL JAMITA NA DENGGAN

⁵ Dung i didok Debata ma, “Ulang padonok. Buka solopmi, angke di tano na badia do ho na jongjong on.”

HARURUAR 3:5 ပူးပေါင်းရင်းမြစ်များ

HARURUAR 19:12

Baen ma batasna humaliang pat ni dolok on, tanda ni na so tola boluson ni bangso i. Baen ma larangan tu bangso i na so tola halahi manangkok tu dolok on, salang padonok-donokkon pe ulang. Sanga ise na manyalpui batas i, nimatehon do.

HARURUAR 19:21

jana didok Tuhan ma tusia, “Manuat ma ho paingotkon bangso i bahaso na so tola halahi manyalpui batas i giot ro tuson laho mangaligi Au. Muda laing dilanggar halahi do antong, bahat do sian halahi marmatean.

HARURUAR 4:28

Dung i dibaritahon si Musa ma tu si Harun sude na nidok ni Tuhan, dompak na disuru ni Tuhan ia mulak tu Mesir, dohot tanda hahomangan na giot baenonnia.

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

JEREMIA 30:21

Raja na marasal sian hamu mamarenta di tonga-tongamunu. Roha-rohania do mandonohi Au muda Hupio ia mangadop tu Au. Angke ise ma he na puluk ro mangadop tu Au sian roha-rohana sajo? Gabe bangsongKu ma hamu jana Au gabe Debatamunu. Au do Tuhan, na mandokkon songon i.”

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

BAENON NI ANGKA RASUL 7:33

Dung i didok Tuhan i muse ma, ‘Buka ma solop na nipakemi, harana tano na badia do inganan hajongjonganmi.

PANGARATAION 23:14

Jagohon hamu anso tong-tong ias bandarmunu i, dibaen didongani Tuhan Debatamunu do hamu di bandarmunu i laho mangondihon hamu dohot mangalehen hamonangan di hamu maralohon musumunu. Ulang ma baen hamu pangalaho na so tama na mambaen marbalik Tuhan sian hamu.”

IBRANI 12:20

Angke nada tahan halahi pabege-bege parenta na nipalalu ni sora i. Angke didok sora i do, “Sasudena na mandonohi dolok on, nada marimbar sanga na binatang sanga na ise pe tehe, angkon dangguran do dohot batu lopus mate.”

JOSUA 5:15

Dialusi panglima ni tentara ni Tuhan i ma, “Buka sipatumi, tano na badia do tano na nijongjonganmi.” Jadi gabe dibuka si Josua ma sipatunia.

2 PETRUS 1:18

Hami bege sandiri do sora i ro sian banua ginjang hatiha i di na rap hami dohot Ia di ginjang ni dolok na badia i.