Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.
tapi anggo si Musa kehe ma ia manangkok tu dolok i laho marsuo dohot Debata. Pio-pio ma Tuhan sian dolok i tu si Musa jana disuru paboa ia ma tu halak Israel, pomparan ni si Jakob i:
Jadi didok si Musa ma sanoli tu Tuhan, “Tutu do disuru Tuhan au maroban bangso on tu tano na nijanjihonMi, tapi nanggo adong dipaboa Ho tu au sanga ise sisuruonMu mandongani au. Tapi haru songon i pe laing didok Ho do, na nitandaMu goarku jana lomo rohaMu di au.
Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”
dohot na lobi jeges sian sude isi ni portibi on, na nisatujui ni Tuhan sian ramba na gara di si Josep ma pasupasu on dohot di pomparanna. Si Josep on do pamimpin di kahanggina.
Dung i ro ma Tuhan jana jongjong di inganan i mamiohon mangulahi, “Samuel, Samuel!” Jana dialusi si Samuel ma, “Mangkuling ma Ho ale Tuhan, manangi-nangi do naposoMon.”
Dung i dipio Tuhan i mangulahi si Samuel. Jadi gabe ngot ma ia lalu didapotkon ia ma si Eli jana disapai ia ma, “Ale amang, na he piopio ho di au?” Dialusi si Eli ma, “Nada hupiohon ho da amang; modom ma ho mangulahi.”
Patolunolihon dipio Tuhan si Samuel; dung i ngot ma si Samuel jana didapotkon ia ma si Eli lalu didok ia, “Pio-pio amang, ma dison au.” Di hatiha i torang ma diboto si Eli, Tuhan do hape na mamiohon dakdanak i.