HARURUAR 3:20 - BIBEL JAMITA NA DENGGAN

²⁰ Jadi patidahononKu ma kuasongKu, jana uhumonKu ma halak Mesir i marhite angka bala na jorbut tu halahi. Dung i loasonnia ma hamu kehe.

HARURUAR 3:20 ပူးပေါင်းရင်းမြစ်များ

PAMUNGKAAN 15:14

Tapi uhumonKu do bangso na marhatobankon pomparanmu; jana di na manadingkon luat i pomparanmu, obanon ni halahi ma bahat arta sinadongan.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

MASMUR 105:27

Dipatupa halahi di Mesir hahomangan, angka pambaenan na godang sian Tuhan.

MASMUR 105:38

Mabiar halak Mesir mida halahi, gabe marjop ni roha halak Mesir di na kehe halahi.

MASMUR 106:22

angka pambaenan na godang di Tano Ham, angka pangalaho hahomangan di Laut Rara.

HARURUAR 11:1

Didok Tuhan ma tu si Musa, “DabuonKu dope sada nari uhum tu raja Mesir dohot tu rayatnia. Dung i paloasonnia ma hamu kehe. Olo! Angkon paorotonnia ma sude hamu sian on.

HARURUAR 12:39

Ditutung halahi ma roti na so marragi sian adonan na nioban ni halahi sian Mesir. Hara ni tompuna halahi dipaorot sian i, gabe nada sanga halahi mangarade panganon sanga pauli adonan ni roti dohot ragi.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

HARURUAR 9:15

Sugari ra Au manguhumi ho dohot rayatmi markite nyae pasti gabe marmatean hamu sude.

JESAYA 19:22

Uhumon ni Tuhan ma bangso Mesir, tapi dung salpu i pamalumonNia do halahi. Mulak ma halahi tu Tuhan, jana tangihononNia ma tangiang ni halahi lalu mangalehen hamalumon.

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

JEHESKIEL 20:33

“Mangasahon Au na mangolu, ninna Tuhan Debata, Hupaingot hamu, hara ni murukKu koras jana tegas noma baenonKu mamarenta hamu lopus dihilala hamu kuasongKu. PalagutonKu ma hamu jana obanonKu sian sude luat inganan parserahanmunu.

MIKA 7:15

Baen ma hahomangan di hami, ale Tuhan, songon na nibaenMu narobi di na niobanMu hami haruar sian Mesir.

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

PANGARATAION 6:22

Taida sandiri do Tuhan mambaen angka hahomangan dohot angka pangalaho na godang-godang maradopkon halak Mesir dohot raja ni halahi maradu sude menterina.

HAKIM-HAKIM 6:8

Diutus Tuhan ma sada halak panurirang tu halahi. Didok panurirang i ma, “Songon on ma pandok ni Tuhan, Debata ni Israel: ‘Madung Hupalua hamu sian parhatobanan di Mesir.

HAKIM-HAKIM 8:16

Dung i dibuat si Gideon ma duri dohot sihupi sian parhorsihan, lalu dilibas ia ma angka hatobangon ni kota Sukot i.