HARURUAR 3:19 - BIBEL JAMITA NA DENGGAN

¹⁹ Dung i didok Debata dope, “Huboto do, nada loason ni raja Mesir i hamu kehe, asing ma muda na nipaksa.

HARURUAR 3:19 ပူးပေါင်းရင်းမြစ်များ

HARURUAR 10:20

Tapi dipajogal Tuhan do roha ni raja i, jana nada diloas Ia kehe halak Israel i.

HARURUAR 11:10

Dipatupa si Musa dohot si Harun do sude tanda hahomangan i di jolo ni raja i tapi dipatangkang Debata do roha ni raja i, nada dipaloas ia tinggalkonon ni halak Israel luatnia i.

HARURUAR 11:9

Didok Tuhan ma tu si Musa, “Nada ditangihon raja i hatamu, anso umbahat dope baenonKu tanda hahomangan di Mesir on.”

HARURUAR 13:15

Di na manangkang roha ni raja Mesir jana nada diloas ia hita kehe, dibunu Tuhan ma sude halaklahi anak siangkaan ni halak Mesir, bope anak siangkaan ni jolma dohot pahan-pahanan. I ma da dalanna tahaulkon tu Tuhan ganop pahan-pahanan jantan na parjolo sorang, tapi tatobus ma anggo anak siangkaan di hita.’

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

HARURUAR 6:1

Dung i didok Debata ma tu si Musa, “Ligionmu ma saonnari sanga aha na giot baenonKu tu raja i. PaksahononKu ma tusia anso dipalua ia bangsongKu. Angkon paksaonKu ia anso dipatola ia kehe halahi sian luat on.”

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 9:35

Songon na nidok ni Tuhan marhite si Musa, nada ra raja i mangaloas halak Israel i kehe.

HARURUAR 9:7

Disapai raja i ma sanga aha na masa, gabe dibaritahon halak ma disia na so adong sada pe sian pahan-pahanan ni halak Israel na mate. Tapi laing jogal do roha ni raja i jana nada diloas ia bangso i kehe.