HARURUAR 3:18 - BIBEL JAMITA NA DENGGAN

¹⁸ Tangihonon ni bangsongKi do angka hata na nidokmu. Dung i kehe ma ho rap dohot angka hatobangon ni Israel mangadop tu raja ni Mesir mandok tusia, ‘Tuhan, Debata ni halak Ibrani madung ro pataridahon diriNa tu hami. Paloas ma hami kehe saonnari, hira-hira tolu ari pardalanan daona tu halongonan laho manghaulkon haul tu Tuhan, Debatanami.’ ”

HARURUAR 3:18 ပူးပေါင်းရင်းမြစ်များ

PAMUNGKAAN 12:1

Didok Tuhan ma tu si Abram, “Tadingkon ma tano hagodanganmu, angka sisolkotmu dohot bagas ni amangmu, jana kehe ma ho mandapotkon luat na giot patuduhononKu tu ho.

PAMUNGKAAN 14:13

Tapi adong ma sahalak na luncat jana dipaboa ia ma sude na masa i tu si Abram, halak Ibrani i. Donok tu harangan paribadatan nampuna ni si Mamre, halak Amori i do inganan ni si Abram. Dongan ni si Abram do si Mamre dohot kahangginia si Eskol dohot si Aner.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 48:3

Didok si Jakob ma tu si Josep, “Madung dipataridahon Debata Na Markuaso i diriNa tu au di Lus na di tano Kanaan jana ma dipasupasu Ia au.

2 JUJUR TAON 30:12

Di Juda pe markarejo do Debata jana dipasada Ia do roha ni rayat i anso marsitutu mangoloi hagiot ni Debata marhite na mangihutkon parenta ni raja i dohot angka pagawena i.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

HARURUAR 17:5

Didok Tuhan ma tu si Musa, “Piohon ma sanga piga-piga halak pamimpin ni halak Israel jana joloi hamu ma mardalan bangso i. Laing oban ma tungkot na nipakemu mangalipat Batang aek Nil i.

HARURUAR 19:1

Dung i kehe ma bangso Israel manadingkon Rafidim jana di tanggal sada bulan patoluhon dung kehe halahi sian Mesir, lalu ma halahi di Parhorsihan Sinai. Jana dibaen halahi ma bandar di pat ni Dolok Sinai,

HARURUAR 25:22

Disi ma Au marsuo dohot ho, jana sian ginjang tutupna i di holang-kolang ni kerub na dua na marhabong i, sian i ma lehenonKu angka aturan tu bangso Israel.”

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 3:16

Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

HARURUAR 30:36

Deba sian pulunganna i angkon lamot do nigiling. Oban ma i tu Bandar ParmiananKu jana sirsirhon ma di jolo ni Poti Parjanjian i. Etong ma hamonyan i songon barang na badia sihaulkonon tu Au. Ulang dibaen ramuan na songon i laho mambaen hamonyan na sarupa tusi na giot di hamu sandiri.

HARURUAR 30:6

Baen ma inganan ni langgatan on di ruar ni tire na di jolo ni Poti Parjanjian i. Disi ma Au giot marsuo dohot hamu.

HARURUAR 4:1

Dung i ninna si Musa ma mangalusi Debata, “Bia ma muda nada porsaya halak Israel jana nada ditangihon halahi hatangku? Aha ma sibaenonku muda didok halahi nada adong ro Tuhan tu au?”

HARURUAR 4:23

jana madung Huparentahon tu ho, laho paloaskon kehe anakKi anso tarbaen halahi mangoloi Au, hape nada dioloi ho. Hara ni i bunuonKu ma anakmu siangkaan i.’ ”

HARURUAR 4:24

Di tonga dalan di sada parbornginan, ro ma Debata giot mamunu si Musa.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

HARURUAR 5:1

Dung i kehe ma si Musa dohot si Harun manopot raja Mesir, ninna halahi ma, “Songon on ma hata ni Tuhan Debata ni Israel, ‘Paloas ma bangsongKi kehe anso dibaen halahi ibadat tu Au di halongonan.’ ”

HARURUAR 5:3

Didok si Musa dohot si Harun ma, “Debata ni halak Ibrani i, madung ro manopot hami. Loas ma hami kehe tu halongonan, hira-hira tolu ari mardalan daona, laho manghaulkon haul tu Tuhan Debatanami. Muda nada hami baen i, bunuonNia ma hami marhite nyae sanga porang.”

HARURUAR 7:16

Dokkon ma tu raja i, ‘Na disuru ni Tuhan Debata ni halak Ibrani do au mandok tu raja i, anso dipaloas raja i bangsoNa i kehe marsomba Ia di halongonan. Hape lopus saonnari, nada ditangihon raja i.

HARURUAR 8:1

Dung i didok Tuhan ma tu si Musa, “Kehe ma ho manopot raja i paboa ma disia hata ni Tuhan songon on, ‘Paloas ma bangsongKi kehe laho maribadat tu Au.

HARURUAR 8:20

Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

HARURUAR 8:23

PatidahononKu ma asing ni bangsongKu sian bangsomu. Ancogot ma masa hahomangan i.’ ”

HARURUAR 9:1

Didok Debata ma tu si Musa, “Kehe ma ho mangadop tu raja i dokkon ma disia hata ni Tuhan Debata ni halak Ibrani mandok, ‘Loas ma kehe bangsongKi anso tarbaen halahi marsomba tu Au.

HARURUAR 9:13

Didokkon Tuhan ma tu si Musa, “Sogot manyogot i sigop ma ho kehe ancogot manopot raja i, pabolkas ma tusia bahaso na dung didok Tuhan Debata ni halak Ibrani do, ‘Paloas ma bangsongKu kehe anso tarbaen halahi maribadat tu Au.

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

JEREMIA 2:2

Kehe ma ho paboahon barita on tu sude halak na adong di Jerusalem, “O ale Israel, Huingot do holongmu, taran di haposoonmu; godang ni holong ni rohamu di na dompak boru ho. Diihutkon ho do Au tu halongonan mangolu sian luat na so marsuan-suanan.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 26:5

Angkon laing parrohahononmunu muse do hata ni naposongKu, i ma angka panurirang na sai marpupu Husuru tu hamu. Hape nada ra hamu mangoloi sanga aha na didok ni halahi.

BILANGAN 17:4

Oban ma tungkot i tu Bandar ParmiananKu payakkon di jolo ni Poti Parjanjian i. Disi ma inganan parsuoanKu dohot ho.

JOSUA 1:17

Sai na oloannami do angka na niparentahonmu, laing songon si Musa na sai hami oloi. Sai didongani Tuhan Debatami ma ho songon pandonganiNia di si Musa!