HARURUAR 3:17 - BIBEL JAMITA NA DENGGAN

¹⁷ Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 3:17 ပူးပေါင်းရင်းမြစ်များ

PAMUNGKAAN 46:4

Kehe ma Au tu Mesir rap dohot ho, jana boanonKu ma pomparanmi mangulahi tu luat on. Di lambungmu do si Josep muda dumpang ma hatihana tutuponmu matamu.”

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

PAMUNGKAAN 50:25

Jadi disuru si Josep ma bangsonia i marsumpa ning ia ma, “Janjihon hamu ma tu au, muda dipimpin Debata hamu mulak tu luat i, angkon dohot do obanonmunu saring-saringku.”

1 JUJUR TAON 1:15

Hewi, Arki, Sini,

MASMUR 102:21

Gabe baritahonon ma goarNia di Sion, di Jerusalem goarNia papuji-pujion,

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 32:34

Tapi anggo ho kehe ma saonnari manogu-nogu bangso i tu inganan na dung Hupaboa tu ho; mardalan do surusuruanKu di jolomu; tapi di ari pamalosonKi baloskononKu ma tu bangso i dosa ni halahi i.”

HARURUAR 33:3

Masuhanmunu ma tano na gok susu dohot aer ni loba. Harana nada ra Au mardalan di tonga-tongamunu dibaen bangso sijogal rungkung do hamu anso ulang abis hamu lalu Hubaen di tonga dalan i.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JEREMIA 11:5

Muda dipatulus halahi sudena i, patulusonKu ma janjingKu tu ompu ni halahi, bahaso lehenonKu ma tu halahi tano napu jana na sonang na niinganan ni halahi saonnari.” Hualusi ma, “Denggan ale Tuhan.”

JEREMIA 32:22

Dilehen Ho tano na denggan jana na napu on tu halahi songon na nijanjihonMu tu ompu ni halahi.

JEHESKIEL 20:6

Marjanji do Au di hatiha i giot maroban halahi ruar sian Mesir manuju tu tano na Hutodo di halahi. Tano na mora jana na napu do luat i, i ma tano na dumenggan di portibi on sudena.”

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

BILANGAN 13:27

Ninna halahi ma tu si Musa, “Madung hami pareso luat i, tutu do tano na mora do i jana na napu, jana on ma saotik batu ni hayu na hami oban sian i.

PANGARATAION 26:9

Dung i dioban Ia ma hami tuson jana dilehen Ia tano na kayo boti na napu on di hami.

PANGARATAION 6:3

Hamu angka dongan sabangso, parrohahon hamu ma angka aturan i jana oloi hamu ma i, anso sonang hamu jana gabe bangso na godang di tano na mora boti na napu i, laing songon na dung dijanjihon Tuhan Debata ni ompunta i.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.

JOSUA 9:1

Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.