HARURUAR 3:16 - BIBEL JAMITA NA DENGGAN

¹⁶ Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

HARURUAR 3:16 ပူးပေါင်းရင်းမြစ်များ

PAMUNGKAAN 21:1

Dipasupasu Debata ma si Sara, songon na nijanjihonNa i.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

PAMUNGKAAN 48:15

Dung i dipasupasu ia ma si Josep, didok ia ma, “Debata do na nisomba ni si Abraham dohot si Ishak, laing ia do na manogu au lopus saonnari;

PAMUNGKAAN 50:24

Didok ia ma tu kahangginia i, “Donok noma ajalku, tapi pasti Debata do manyarihon dohot mamimpin hamu ruar sian luat on, tu luat na nijanjihonNia mardongan sumpa tu si Abraham, si Ishak dohot si Jakob.”

MASMUR 102:21

Gabe baritahonon ma goarNia di Sion, di Jerusalem goarNia papuji-pujion,

MASMUR 33:18

Dijagohon Tuhan do sanga ise halak na burju mangoloi Ia, halak na mararop roha di holong ni rohaNa sapanjang.

MASMUR 8:4

ise ma he jolma i, pola diingot Ho ia, ise ma he i pola dipangolu Ho ia?

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

HARURUAR 13:19

Dioban si Musa do holi-holi ni si Josep, angke dompak di ngolunia madung dibaen halak Israel marsumpa laho patuluskon songon i. Didok si Josep do, “Muda dung dipalua Tuhan hamu, angkon obanonmunu do bangkengku sian inganan on rap dohot hamu.”

HARURUAR 15:14

Madung dibege angka bangso, jana humitir be halahi mabiar, halak Pilistin pe gabe manyogar.

HARURUAR 17:5

Didok Tuhan ma tu si Musa, “Piohon ma sanga piga-piga halak pamimpin ni halak Israel jana joloi hamu ma mardalan bangso i. Laing oban ma tungkot na nipakemu mangalipat Batang aek Nil i.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

HARURUAR 24:11

Nada mate dibaen Debata angka pamimpin ni halak Israel i haru pe na dung diida halahi Debata. Dung i rap mangan ma halahi jana rap minum.

HARURUAR 3:2

Ro ma surusuruan ni Tuhan tusia di bagasan jilam ni api na ruar sian ramba i. Diida si Musa do ramba i marjilam, hape nada mosok.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 4:1

Dung i ninna si Musa ma mangalusi Debata, “Bia ma muda nada porsaya halak Israel jana nada ditangihon halahi hatangku? Aha ma sibaenonku muda didok halahi nada adong ro Tuhan tu au?”

HARURUAR 4:29

Dung i kehe ma si Musa dohot si Harun tu Mesir, jana dipalagut halahi ma sude hatobangon ni Israel.

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

HARURUAR 4:5

Ninna Debata ma, “Baen ma songon i mambuktihon tu halak Israel bahaso Au do, Tuhan Debata ni ompu ni halahi, Debata ni si Abraham, si Ishak dohot si Jakob na dung ro manopot ho.”

MATEUS 26:3

Jadi marlagut ma disi angka Sintua Ni Malim dohot angka hatobangon ni halak Jahudi di inganan ni si Kayafas Malim Godang i.

LUKAS 1:68

“Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

LUKAS 19:44

Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”

BAENON NI ANGKA RASUL 11:30

Dipatulus be do tahi i, jana si Barnabas ma dohot si Saulus disuru halahi manaruhon pangurupion i tu angka pangituai ni parlagutan i.

BAENON NI ANGKA RASUL 15:14

Madung nipajojor si Simon bahaso sian mulana madung dipatuduhon Debata holongNia tu angka bangso na asing, anso laing dohot sian halahi dipili Debata na gabe bangsoNia.

BAENON NI ANGKA RASUL 20:17

Ditonahon si Paulus ma sian Miletus anso marroan jolo angka pangituai ni parlagutan na di Epesus marsuo dohot ia.

1 PETRUS 2:12

Angkon denggan do pangalahomunu di tonga-tonga ni angka halak na so porsaya tu Kristus, jadi haru pe diincahi halahi hamu songon halak na jahat, gabe idaon ni halahi ma angka pambaenanmunu na denggan i, jana gabe pujion ni halahi ma Debata di haroro ni Debata tu portibi on.

1 PETRUS 5:1

Nipangido anso diparrohahon angka sintua jolo on. Songon donganmunu pamimpin, hubaen surat on bope donganmunu na manyaksihon sandiri parkancitan ni Kristus, jana na giot dohot pasangapon muda dung dipataridahon hasangapan ni Kristus tu hita jolma. Gomos pangidoanku

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.