HARURUAR 3:13 - BIBEL JAMITA NA DENGGAN

¹³ Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 3:13 ပူးပေါင်းရင်းမြစ်များ

PAMUNGKAAN 32:29

Didok si Jakob ma, “Paboa ma da goarmu.” Tapi nada dialusi bayo i, “Nada adong gunana disapai ho sanga ise goarku!” Jadi dipasupasu ia ma si Jakob.

HARURUAR 15:3

Tuhan do panglima ni porang; Tuhan, i ma goarNa.

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 3:14

Didok Debata ma tu si Musa, “Au do Au Na Adong. I ma dohononmu tu halahi, ‘Na nigoaran i Au Na Adong i do na marsuru au manopot hamu.’

HARURUAR 3:15

Baritahon ma tu bangso Israel, paboa Au do Tuhan Debata ni ompu ni halahi, Debata ni si Abraham, si Ishak dohot si Jakob na marsuru ho manopot halahi. I do goarKu ro di salolot ni lolotna. On ma panggoaringKu di sude bangso marsundut-sundut.

HARURUAR 7:16

Dokkon ma tu raja i, ‘Na disuru ni Tuhan Debata ni halak Ibrani do au mandok tu raja i, anso dipaloas raja i bangsoNa i kehe marsomba Ia di halongonan. Hape lopus saonnari, nada ditangihon raja i.

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JESAYA 52:6

Dapot do i hatihana, okuanmunu bahaso Au do Debata, jana Au mandok hata tu hamu.”

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

BAENON NI ANGKA RASUL 3:13

Debata na nisomba ni si Abraham, si Ishak, si Jakob dohot angka ompunta i, i ma Debata na dung pasangapkon NaposoNia, i ma na margoar Jesus, na nipasahatmunu jana na nitulakmunu di adopan ni si Latus di na giot dipalua si Latus Ia.

HAKIM-HAKIM 13:17

Jadi didok ia ma, “Didok tuan i ma da jolo goar ni tuan i, anso tarbaen hami sanoli on mangalehen sangap tu tuan i muda dung tulus tarjadi na nidok ni tuan i.”

HAKIM-HAKIM 13:6

Dung i kehe ma dadaboru ni si Manoah i mandapotkon halaklahina jana didok ia ma, “Adong suruan ni Debata ro tu au, songon Surusuruan Ni Debata do tompana jadi gabe mabiar au. Nada husapai sanga na sian dia ia ro, jana ia pe nada dipaboa goarna tu au.”