HARURUAR 3:12 - BIBEL JAMITA NA DENGGAN

¹² Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 3:12 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

PAMUNGKAAN 26:3

Hudongani pe ho jana Hupasupasu. LehenonKu do di ho dohot di pomparanmu sude banua on. GohanKu do janji na dung Hupasahat tu si Abraham amangmi.

PAMUNGKAAN 31:3

Jadi didok Tuhan ma tu si Jakob, “Mulak ma ho tu luat ni amangmu dohot tu angka kahanggimu. Sai na dongananKu do ho.”

2 RAJA-RAJA 19:29

Dung i ditonahon si Jesaya ma tu si Hiskia, songon on, “Songon on ma tandana na giot tarjadi. Di taon on dohot di taon na ro, mangan gandum na tubu sandiri ma hamu. Tapi dung salpu i, tarbaen hamu ma manyuan gandum dohot anggur jana daionmunu ma suhana.

1 JUJUR TAON 9:20

Si Pinehas anak ni si Eleasar – sai dijagohon Tuhan ma nian ia! – jungada do gabe kapala ni halahi.

MASMUR 86:17

Patangkas ma hadenggananMu tu au, anso maila sanga ise na magigi mida au, muda diida halahi bahaso, Ho ale Tuhan, madung mangurupi dohot mangapoi au.

HARURUAR 18:5

Rap dohot ripe ni si Musa bope dohot anaknia na dua i ma ro si Jetro manopot si Musa di parhorsihan inganan ni si Musa i marbandar, di lambung ni dolok na badia i.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

HARURUAR 3:13

Dialusi si Musa ma, “Tapi muda kehe au manopot halak Israel jana hudok tu halahi, ‘Debata ni ompumunu i do marsuru au manopot hamu,’ sapaan ni halahi ma, ‘Ise ma he goarNa?’ Jadi aha ma alusku tu halahi?”

HARURUAR 33:14

Jadi didok Ia ma, “Sai dongananKu do hamu jana lehenonKu hamonangan di hamu.”

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

HARURUAR 8:27

Angkon tu halongonan do hami kehe tolu ari pardalanan daona laho manghaulkon haul tu Tuhan Debatanami, songon na niparentahonNia hian tu hami.”

JESAYA 37:30

Dung i ditongos si Jesaya ma tona songon on tu si Hiskia, “On ma tandana sanga aha na giot tarjadi. Di bagasan taon on dohot di taon na ro mangan gandum na tubu sandiri ma hamu. Tapi dung salpu i tarbaen hamu ma manyuan gandum dohot anggur lalu mandai suhana.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 43:2

DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

BILANGAN 16:28

Didok si Musa ma tu bangso i, “Songon on ma pangalahona anso diboto hamu, Tuhan i do marsuru au laho patuluskon sudena i nada hara ni giotku sajo.

BILANGAN 23:21

Huida ari pangapudian ni Israel na marbungaran; nada hona bala dohot mara Tuhan, i do Debatana. Tudia pe tongtong do dohot Ia. Didok halahi: Ibana do Raja!

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

MARKUS 16:20

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

BAENON NI ANGKA RASUL 11:21

Jadi didongani tangan ni Tuhan do halahi mambaen bahat halak gabe porsaya jana pasahatkon dirina tu Tuhan.

BAENON NI ANGKA RASUL 7:7

Tapi ro ma Au manguhumi halak na mamparhatobankon halahi i, jana morot ma halahi sian luat i jana sombaon ni halahi ma Au di inganan on.’

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

PANGARATAION 31:23

Dung i mangkuling ma Tuhan tu si Josua, anak ni si Nun, ninna ma, “Patogu ma rohamu jana barani! Ho noma mamimpin bangso Israel mamasuhi tano na dung Hujanjihon tu halahi, jana Au ma mandongani ho.”

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

HAKIM-HAKIM 6:12

Ro ma Surusuruan Ni Tuhan i mandapotkon ia jana didok ma, “O doli-doli na jagar! Rap dohot ho do Tuhan!”

HAKIM-HAKIM 6:16

“Pasti bisa do ho!” ninna Tuhan, “angke Au do na giot mangurupi ho. Mura do ropukkononmu angka halak Midian i tarsongon na mangadopi sada halak sajo baenonmu.”

HAKIM-HAKIM 6:17

Dialusi si Gideon ma, “Muda na tutu situtu do au tumbuk di roha ni Tuhan, cubo ma jolo mangalehen tanda bahaso na tutu do Tuhan mangkobari tu au.

HAKIM-HAKIM 6:21

Dung i disurduhon Surusuruan Ni Tuhan i ma tanganna, digoitkon Ia ma dohot ujung ni hayu na nitiopNia juhut dohot roti i. Gara ma batu i lalu abis ma mosok juhut dohot roti i. Dung i mago ma Surusuruan i.

HAKIM-HAKIM 7:11

Begeonmu ma naron sanga aha na nihataan ni musu i, jana i ma na mambaen ho puluk mangaroro.” Jadi kehe ma si Gideon dohot si Pura tu parbatasan ni parbandaran ni musu i.

1 SAMUEL 14:10

Tapi muda disuru halahi do hita ro mandapotkon halahi, ro ma hita tusi, angke i ma tandana na dung dipasahat ni Tuhan halahi tu hita.”