HARURUAR 3:10 - BIBEL JAMITA NA DENGGAN

¹⁰ Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

HARURUAR 3:10 ပူးပေါင်းရင်းမြစ်များ

PAMUNGKAAN 15:13

Didok Tuhan ma tusia, “Gabe paisolat ma pomparanmu di luat na asing; gabe hatoban ma halahi disi jana taonon ni halahi ma na hancit opat ratus taon honokna.

PAMUNGKAAN 15:14

Tapi uhumonKu do bangso na marhatobankon pomparanmu; jana di na manadingkon luat i pomparanmu, obanon ni halahi ma bahat arta sinadongan.

MASMUR 105:26

Dung i diutus Ia ma si Musa, naposoNa, dohot si Harun, halak na nitodoNia.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

HARURUAR 12:40

430 taon ma honokna maringanan halak Israel di Mesir.

HARURUAR 12:41

Di ari parpudi di taon pa 430 hon i, sude ma bangso ni Debata maninggalkon tano Mesir.

HARURUAR 33:12

Jadi didok si Musa ma sanoli tu Tuhan, “Tutu do disuru Tuhan au maroban bangso on tu tano na nijanjihonMi, tapi nanggo adong dipaboa Ho tu au sanga ise sisuruonMu mandongani au. Tapi haru songon i pe laing didok Ho do, na nitandaMu goarku jana lomo rohaMu di au.

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

HARURUAR 6:26

Si Harun dohot si Musa na manjagit hata ni Debata na mandok, “Boan hamu ma halak Israel hombar tu angka pasukanna be haruar sian Mesir.”

HOSEA 12:13

Gilo do ompunta si Jakob tu Aram jana marinduk somang ma ia tu halak na disi jana marmahan angka biri-biri ni jolma i laho mambuat boru disia.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

BAENON NI ANGKA RASUL 7:34

Madung Huida jana Huparrohahon hapaeton ni parkancitan na nitaon ni bangsongKi di tano Mesir. Madung Hubege holos ni halahi jana mijur ma Au laho paluahon halahi. Beta ma saonnari! SuruonKu ma ho mangulahi tu tano Mesir.’

BAENON NI ANGKA RASUL 7:36

Si Musa i ma na manguluhon halak Israel haruar sian Mesir jana na mambaen angka hahomangan dohot angka na so jungada masa di Mesir, di Laut Na Rara dohot di parhorsihan i opat pulu taon honokna.

BAENON NI ANGKA RASUL 7:6

Tapi songon on ma pandok ni Debata tusia, ‘Songon paisolat ma pomparanmu di luat ni halak na asing. Parhatobanon ni halak luat i ma halahi jana parkancitanna opat ratus taon honokna.

BAENON NI ANGKA RASUL 7:7

Tapi ro ma Au manguhumi halak na mamparhatobankon halahi i, jana morot ma halahi sian luat i jana sombaon ni halahi ma Au di inganan on.’

HAKIM-HAKIM 6:14

Dung i dilehen Tuhan ma parenta on tu si Gideon, “Kehe ma ho dohot sude hagogoanmu paluahon halak Israel sian kuaso ni halak Midian. Au do na marsuru ho.”

1 SAMUEL 12:6

Dung i didok si Samuel ma muse, “Tuhan do na mamili si Musa dohot si Harun dohot na maroban ompumunu haruar sian Mesir.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.