HARURUAR 29:4 - BIBEL JAMITA NA DENGGAN

⁴ Suruhon ma si Harun dohot angka dakdanaknia i ro tu pintu ni Bandar ParmiananKi jana paias diri ma halahi hombar tu upacara ni ugamo.

HARURUAR 29:4 ပူးပေါင်းရင်းမြစ်များ

HARURUAR 26:36

Pintu ni Bandar Parmianan pe angkon baenon do sada tire sian abit linen na halus na nitonun dohot wol na rata langit, na bunga torung dohot na rara na nihiasan dohot sulaman.

HARURUAR 29:3

Baen ma i di ampang jana haulkon ma i tu Au rap dohot lombu jantan dohot biri-biri jantan na dua i.

HARURUAR 40:12

Dung i angkon suruonmu do si Harun dohot angka anaknia ro tu pintu ni Bandar Parmianan jana marpangir ma halahi mangihutkon upacara ugamo.

HARURUAR 40:28

Digantungkon si Musa ma tire di pintu ni Bandar Parmianan,

HARURUAR 40:32

ganop masuk halahi tu bagasan Bandar Na Badia i sanga dumonok tu langgatan i, basuon ni halahi ma pat dohot tanganna, songon na niparentahon ni Tuhan i.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

JEHESKIEL 42:14

Muda dung sidung markarejo angka malim di Bagas Na Badia, jana giot kehe ma tu alaman parruar, angkon tinggalkonon ni halahi ma pakean hapunjungan na nipake ni halahi di na markobasi ibadat i. Angkon pakean na asing noma pakeon ni halahi, baru pe anso tola halahi kehe mandapotkon rayat na marlagut i.”

HAMALIMON 14:8

Dung i angkon basuon ni halahi ma pakeanna, obukna pe angkon dicukur sude lalu maridi. Dung i ias ma ia, tola ma ia masuk tu parbandaran i, tapi pitu ari honokna nada tola ia masuk tu bandarnia sandiri.

BILANGAN 8:9

Dung i suru ma marlagut sude halak Israel jana dokkon halak Levi jongjong di jolo ni Bandar ParmiananKu.

EPESUS 5:26

Dibaen Kristus do songon i anso tarpaias Ia parlagutan i dohot ajaranNia bope markite-hite aek pandidion, anso tarpasahat Ia muse parlagutan i tu Debata.

PANGARATAION 23:11

Marayak andospotang angkon mangias diri do ia jana di halulusut ni mataniari, tola ma ia mulak tu bandar i.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

IBRANI 10:22

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

1 PETRUS 3:21

Antong, na masa i ma na gabe gambaran ni pandidion sisaonnari on na paluahon hamu. Nada karejo na giot paiaskon angka na hodar di pamatangniba pandidion i, tapi songon janjimunu do i tu Debata sian taroktok na denggan. Gabe dipalua pandidion i ma hamu hara ni na dung mulak mangolu Jesus Kristus mangulahi sian hamatean,