HARURUAR 28:4 - BIBEL JAMITA NA DENGGAN

⁴ Dok ma anso dibaen angka tukang i panutup ni andora, sada baju efod, sada mantel, sada baju na nisulam, sada saroben dohot bobat. Angkon baenon ni halahi do pakean malim on di si Harun angkangmi dohot di angka dakdanaknia, anso taroloi halahi Au songon pangoloi ni malim.

HARURUAR 28:4 ပူးပေါင်းရင်းမြစ်များ

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

HARURUAR 25:7

ragam-ragam ni simata sibaenon laho pajegeskon pakean ni Malim Godang dohot panutup ni andorania i.

HARURUAR 29:6

Papakehon ma saroben tu ulunia jana tambatkon ma tanda na badia na manggorgahon ‘Nabadia di Tuhan’ di ulunia.

HARURUAR 39:28

songon i saroben, kupia, saraor pendek sian abit linen,

JESAYA 11:5

Markite hasintongan dohot hatigoran do aturonNia bangsoNa.

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

HOSEA 3:4

Songon i muse ma pangalaho ni bangso Israel; lolot halahi mangolu tapi nada adong rajana, nada marpamimpin nada adong haul, nada adong gana-ganaan, jana nada adong efod dohot terafim.

EPESUS 6:14

Tongtong ma hamu hobas! Pake hamu ma hasintongan songon bobatmunu, dohot hatigoran na songon baju bosimunu.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

HALUMBAAN 9:17

Jana di boa-boa na nilehenna i tu au, huida do angka kudo i dohot angka halak na manenggetsa. Mamake baju bosi na rara sun, na rata langit dohot na gorsing songon barerang do angka na manengget kudo i. Songon ulu ni singa do ulu ni angka kudo i jana ruar do api, timus dohot barerang sian pamanganna i.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.

1 SAMUEL 23:6

Di na kehe si Abyatar anak ni si Ahimelek maporus mandapotkon si Daud lalu didongani ia ma si Daud tu Kehila, dioban ia muse do Efod.

1 SAMUEL 30:7

Dung i didok si Daud ma tu Malim Abyatar anak ni si Ahimelek i, “Oban ma jolo tuson efod i!” Jadi dioban si Abyatar ma efod i tusia.