HARURUAR 28:3 - BIBEL JAMITA NA DENGGAN

³ Piohon ma tukang jait na malo, na dung Hupasahat hamaloonna. Dok ma tu angka tukang i anso dibaensa pakean ni si Harun; anso tumbuk ia marhapunjungan di Au, bope anso dioloi ia Au songon malim.

HARURUAR 28:3 ပူးပေါင်းရင်းမြစ်များ

1 RAJA-RAJA 7:14

Amangnia hian pe tukang tumbaga do sian Tirus jana inangnia boru Naftali. Na malo do si Hiram i manjama karejonia jana bahat do parbinotoannia di sude karejo pauli parkokas. Dipangido si Salomo ma tusia, laho manguluhon sude karejo na marpardomuan tu barang-barang na sian tumbaga jana dioloi si Hiram ma i.

HARURUAR 35:10

“Sandok halak na malo sian hamu angkon ro do paulihon sasude na niparentahon ni Tuhan,

HARURUAR 35:25

Sandok dadaboru na malo martonun dohot tanganna sandiri jana dioban ma na nitonunna i, i ma angka abit na bunga torung, na rata langit, abit na rara dohot linen na lamot.

HARURUAR 35:30

Dung i didok si Musa ma tu halak Israel, “Madung ditodo Tuhan si Besaleel anak ni si Uri, pahompu ni si Hur na sian Marga Juda.

HARURUAR 35:31

Jana dipartondii Debata ma ia dohot hagogoonNa, mangalehen disia hamaloon, sinaloan dohot parbinotoan salaho tu sude ragam ni partukangon

HARURUAR 35:35

Madung digohi Tondi i halahi dohot hamaloan laho mambaen sude angka ragam ni karejo hatukangon, parkarejoan ni sada halak na sun malo, karejo ni na martonun marrupa-rupa sian abit na bunga torung, na rata langit, abit na rara dohot linen na lamot dohot parkarejoan ni tukang tonun, i ma angka na mangkarejohon sude ragam ni parkarejoan dohot na mambaen rangrangan ni sasude.

HARURUAR 36:1

Songon i ma sikarejohonon ni si Besaleel dohot si Aholiab bope sude halak na malo-malo na dung dipasingkop Tuhan hamaloanna dohot pangastuionna, anso laing malo patuluskon sude ragam ni karejo laho pajongjongkon Inganan Na Badia, anso sarupa tu na niparentahon ni Tuhan.”

HARURUAR 36:2

Jadi dipio si Musa ma si Besaleel, si Aholiab dohot sude tukang na asing na dung disuan Tuhan tu rohana hamaloan, dohot halak na nionjar ni rohana mangurupi, lalu disuru mamungka karejo i.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

JESAYA 11:2

Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

PANGARATAION 34:9

Digohi Tuhan ma si Josua anak ni si Nun dohot habisuhon dibaen madung ditodo si Musa ia gontinia. Mangoloi do bangso Israel tu si Josua jana didalankon halahi do angka parenta na nilehen ni Tuhan tu halahi markite-hite si Musa.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.