HARURUAR 28:1 - BIBEL JAMITA NA DENGGAN

¹ “Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HARURUAR 28:1 ပူးပေါင်းရင်းမြစ်များ

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

1 JUJUR TAON 6:10

Asarya (markobas di Bagas Ni Debata na nipajongjong ni Raja Salomo do ia di Jerusalem),

1 JUJUR TAON 6:34

Elkana, Jeroham, Eliel, Toah,

2 JUJUR TAON 11:14

Ditadingkon angka halak Levi i ma padang-padang ruput dohot tano ni halahi jana pinda ma halahi tu Juda dohot Jerusalem, harana nada diisinkon si Jerobeam raja ni Israel dohot na manggontihon ia be halahi markarejo songon malim ni Tuhan.

MASMUR 115:10

Hamu ale horong ni si Harun, Tuhan ma haporsayai hamu, Ia do na mangurupi dohot na mangondingi hamu.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

HARURUAR 24:9

Dung i manangkok ma si Musa, si Harun, si Nadab, si Abihu dohot pamimpin ni halak Israel na pitu pulu halak i tu dolok i,

HARURUAR 28:41

Papakehon ma pakean i tu angkangmu si Harun dohot tu angka dakdanaknia i. Miahi ma halahi dohot miak zetun; jadi sah ma halahi gabe malim jana dipasahat laho mangoloi Au.

HARURUAR 29:1

“Songon on ma carana baenon pabadiahon si Harun dohot angka dakdanaknia anso tarbaen halahi mangoloi Au songon malim. Buat ma sada lombu jantan na poso dohot dua biri-biri jantan na so martihas.

HARURUAR 29:44

Gabe badia ma Bandar Parmianan dohot langgatan i baenonKu. PaasingonKu ma si Harun dohot angka dakdanaknia sian halak na asing anso gabe malim halahi mangoloi Au.

HARURUAR 29:9

bobat dohot basaen jana kupiai ma halahi. Songon i ma baen carana mangangkat si Harun dohot angka dakdanaknia i. Angkon oloan ni halahi ma Au lopus tu pinompar ni halahi ro di salolot-lolotna songon malim.

HARURUAR 30:30

Dung i miahi ma si Harun dohot angka anaknia i jana lantik ma halahi gabe malim laho mangoloi Au.

HARURUAR 31:10

pakean malim na tumbuk di si Harun dohot angka dakdanaknia, i ma sipakeon ni halahi muda hatiha mandalankon karejo songon malim,

HARURUAR 35:19

pakean tohonan ni angka malim laho mandalankon paribadatan di Inganan Na Badia dohot pakean dinas di si Harun, dohot pakean ni angka dakdanaknia di na maniop karejo hamalimon.”

HARURUAR 6:23

Marbagas ma si Harun dohot si Eliseba, boru ni si Aminadap; iboto ni si Nahason, ditubuhon ia do si Nadab, si Abihu, si Eleasar dohot si Itamar.

HAMALIMON 10:1

Di na sadari, ro ma angka anak ni si Harun, i ma si Nadab dohot si Abihu, rap mambuat inganan ni apina be, lalu mangisi banggar tusi. Ditambahon halahi dope hamonyan tu api i, dung i dipasahat halahi ma i tu Tuhan. Tapi nada badia api i angke nada na nisuru ni Tuhan halahi pasahatkonsa.

HAMALIMON 10:12

Didok si Musa ma tu si Harun dohot tu anakna na dua i, i ma si Eleasar dohot si Itamar, “Buat ma haul gandum na lobi sian sipanganon na dung dipasahat tu Tuhan. Baen ma roti na so marragi sian topung i, dung i pangan ma roti i di lambung ni langgatan i, angke haul na badia do i.

HAMALIMON 7:35

I ma bagian sian haul sipanganon na nilehen ni Tuhan tu si Harun dohot tu angka anakna, di hatiha na diojakkon i halahi gabe malim.

HAMALIMON 8:1

Didok Tuhan ma tu si Musa,

HAMALIMON 8:2

“Oban ma si Harun dohot angka anakna i, tu Pintu Ni Bandar ParmiananKi. Oban muse pakean malim, miak upacara, lombu jantan na poso baen haul hasesaan ni dosa, dua biri-biri jantan dohot roti na so marragi sabakul.

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

BILANGAN 26:61

Si Nadab dohot si Abihu na mate di hatiha manghaulkon api na so nihagiotan ni Tuhan.

LUKAS 1:8

Jadi di na sanoli, topet ma si Zakaria mandalankon karejo hamalimon di jolo ni Tuhan.

PANGARATAION 10:6

Mardalan muse ma halak Israel sian sumur ni halak Jaakan, lalu kehe tu Mosera. Disi ma marujung ngolu ni si Harun lalu ditanom. Gabe anaknia si Eleasar ma manggonti ia gabe malim.

PANGARATAION 18:5

Sian sasude marga ni Israel na dung dipili ni Tuhan do Marga Levi laho mangoloi gabe parhobas ni Tuhan salolot-lolotna.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.