HARURUAR 27:9 - BIBEL JAMITA NA DENGGAN

⁹ “Maralaman do baenonmu humaliang Bandar ParmiananKi, na nihandang dohot tire sian abit linen na halus. Bagian na sabola Selatan i, 44 meter ginjangna,

HARURUAR 27:9 ပူးပေါင်းရင်းမြစ်များ

1 RAJA-RAJA 6:36

Di jolo ni Bagas Ni Debata i dibaen do alaman. Dihuliangi tembok do alaman i, na dibaen sian salampis hayu ares Libanon ganop tolu lampis batu.

1 RAJA-RAJA 8:64

Laing di ari i do dibaen si Salomo upacara pamasumasuon di alaman na di jolo ni Bagas Ni Debata. Dung i dipasahat ia ma di alaman i haul situtungon, haul gandum dohot tabo-tabo ni binatang baen haul haluaan. Sudena dipasahat ia disi dibaen mamenektu do langgatan tumbaga i inganan ni sude haul i.

2 JUJUR TAON 33:5

Di alaman ni Bagas Ni Tuhan na dua i, dipajongjong ia do angka langgatan baen panyombaan ni angka bintang.

2 JUJUR TAON 4:9

Laing dibaen Raja Salomo muse do sada alaman di bagasan baen di angka malim dohot sada alaman di ruar. Angka pintu ni horbangan antara ni alaman na dua i dilampis do dohot loyang.

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

MASMUR 116:19

na marlagut di alaman ni Bagas Ni Tuhan, di tonga-tonga ni kota Jerusalem. Puji ma Tuhan!

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

MASMUR 92:13

Tudos do halahi tu hayu na disuan di Bagas Ni Tuhan, jana manyarmak di Bagas Ni Debatanta;

HARURUAR 27:10

na nipajongjong dohot dua pulu tiang tumbaga di ginjang ni dua pulu ojahan laing sian tumbaga rap dohot sangkotan dohot panguduti na sian perak.

HARURUAR 35:17

Layar tu alaman, tiangna, ojahanna dohot tire ni pintu horbangan ni alamanna i;

HARURUAR 36:17

Dipasang halahi ma lima pulu sangkotan di topi ni abit na parpudi sian bagian na parjolo jana lima pulu sangkotan di topi ni bagian na paduahon.

HARURUAR 39:40

angka tire na gabe handang ni alamanna dohot angka tiang maradu ojahanna, tire ni alaman maradu angka tali-talina, angka pasi ni Bandar Parmianan; sude panjamaan sipakeon di bagasan Bandar Parmianan;

HARURUAR 40:33

Dibaen ia ma handang humaliang Bandar Parmianan dohot langgatan lalu digantungkon ia ma tire di pintu ni alamanna i. Jadi dung songon i, salose ma sude karejo i.

HARURUAR 40:8

Dung i handangna i angkon pasangonmu do humaliang Bandar Parmianan jana angkon gantungkononmu tire di pintu ni alaman i.

JEHESKIEL 40:14

Disuhat ia muse ma bilik na lapang i: sampulu meter ginjangna. Adop alaman parruar ni Bagas Ni Tuhan i do pintu ni bilik i.

JEHESKIEL 40:17

Dung i dioban bayo i ma au mamolus sian pintu horbangan i tu alaman parruar ni Bagas Ni Tuhan i. Dipajongjong do di topi-topi ni tembok na humaliang Bagas Ni Tuhan i sian ruar, tolu pulu kamar. Di jolo ni angka kamar i adong do lante sian batu,

JEHESKIEL 40:20

Huihutkon ma ia, adong ma disi horbangan na adop Utara, laing dalan tu alaman na di pudi. Dung i diukur ia ma ginjangna dohot bidangna.

JEHESKIEL 40:23

Adong muse do horbangan na asing paadop-adop dohot horbangan Utara i, i ma horbangan laho tu alaman parbagasan, laing songon na di horbangan Habincaran i. Disuhat bayo i ma antara ni horbangan na dua i: dapot ma lima pulu meter.

JEHESKIEL 40:28

Dipatorus bayo i ma maroban au mamolus sian horbangan Selatan masuk tu alaman parbagasan i. Disuhat ia ma horbangan Selatan i, jana sarupa do ukuranna dohot angka horbangan na di ruar i.

JEHESKIEL 40:32

Dung sidung i, dioban bayo i muse ma au mamolus sian horbangan Habincaran lalu masuk tu alaman parbagasan i. Disuhat ia ma horbangan i jana sarupa do ukuranna dohot angka horbangan na asing i.

JEHESKIEL 40:44

Dung i dioban bayo i ma au tu alaman parbagasan i. Adong do disi dua balerong, sada ma i pahombar dohot horbangan Utara jana adop tu Selatan ma i, jana na sada nari hombar dohot horbangan Selatan jana mangadop tu Utara ma i.

JEHESKIEL 42:3

Sabariba topi ni bangunan i mangadop tu emper sisampulu meter i do, jana topina na sabariba nari mangadop tu lante batu na di alaman parruar i. Martirket tolu do bangunan i, ganop tirket juruk do tar tubagasan martimbangkon tirket na di toruna.

BILANGAN 3:26

Angka tire di alaman humaliang Bandar Parmianan dohot langgatan i, dohot tire di horbangan ni alaman i. Halahi do nampuna sude karejo na adong pardomuanna dohot angka barang na disi.

BILANGAN 4:26

angka tire dohot tali na di alaman humaliang Bandar Parmianan dohot langgatan, tire ni pintu tu alaman bope sude karejo na mardomu tu angka barang i.

BILANGAN 4:32

Dohot angka tiang na di alaman humaliang Bandar Parmianan dohot ojahanna, pago-pagona, angka tali bope sude parkokas na nipake laho pajongjongkon. Ganop halak ditontuhon do siobanonna.