HARURUAR 27:3 - BIBEL JAMITA NA DENGGAN

³ Baen ma huali inganan ni abuan, sonduk, talam, garpu dohot inganan ni api. Angkon sian tumbaga do baenon sude panjamaan on.

HARURUAR 27:3 ပူးပေါင်းရင်းမြစ်များ

1 RAJA-RAJA 7:40

Dipauli si Hiram muse ma dua huali, sodok-sodok dohot angka sambong. Dung songon i sidung ma karejonia di si Salomo na hasaya tu Bagas Ni Debata. Angka on ma parkokas na nipaulinia:

1 RAJA-RAJA 7:45

Sude parkokas tu Bagas Ni Debata i na nipauli ni si Hiram, di Raja Salomo, dibaen sian tumbaga do na digosok lopus marlinang.

2 RAJA-RAJA 25:14

Dohot sude angka barang on pe diangkat halahi do sude: sodok, inganan ni abu ni langgatan, angka parkokas ni lampu, angka sambong panarean ni mudar ni binatang na nisambol baen haul, angka sambong panutungan ni hamonyan, dohot angka barang-barang tumbaga na asing i sipakeon di na maribadat, angka barang sere dohot perak dohot ma disi angka mangkukna dohot parapian.

1 JUJUR TAON 28:17

Songon i panogu-noguon salaho tu bahat ni sere na polin sipakeon laho mambaen garpu, mangkuk dohot botol-botol, sanga na sadia bahat ni perak dohot sere laho mambaen angka pinggan,

2 JUJUR TAON 4:11

Dibaen si Hiram kapala ni tukang i ma huali, sodok dohot angka mangkuk. Jadi sidung ma sude dipauli ia panjamaan di Bagas Ni Tuhan hombar tu na nijanjihonnia tu Raja Salomo. Angka on ma parkokas i: Dua tiang na godang Dua kapala tiang na dipasang di ujung ni tiang i dua-duana Rante na dibayu di ganop kapala ni tiang i Opat ratus dalimo loyang na disusun dua baris, ganop baris ma i saratus dalimo, humaliang puyuan ni rante di ganop ulu ni tiang i Sampulu kareta Sampulu sambong na godang Bak Dua bolas lombu tumbaga na manahan bak i Angka huali, sodok-sodok dohot angka garpu. Sian loyang do sude parkokas i dibaen si Hiram, digosok ia ma i sude lopus marlinang. Hombar tu parenta ni Raja Salomo do i sudena dipauli ia baen di Bagas Ni Tuhan.

HARURUAR 24:6

Dibuat si Musa ma satonga sian mudar ni pahan-pahanan i jana dibaen ia ma i tu mangkuk-mangkuk. Deba nari dipispiskon ia ma tu ginjang ni langgatan i.

HARURUAR 27:19

Sude panjamaan sipakeon di bagasan Bandar Parmianan, sude rancang ni Bandar Parmianan dohot handangna humaliang, sian tumbaga do baenon.”

HARURUAR 27:2

Baen ma martanduk di ganop suhi-suhina i. Angkon domu do gabe sada tanduk i dohot langgatan i jana nilampis dohot tumbaga do sudena i.

HARURUAR 27:4

Baen ma sada karanjang sian tumbaga na nibayu jana baen muse ma sitiopan parobanan di suhi-suhi na opat i.

HARURUAR 38:3

Dibaen ia muse do sude parkokas sipakeon di langgatan, angka huali, sodok, angka mangkuk, garpu-garpu dohot tataringna. Sian tumbaga do sudena i dibaen.

HAMALIMON 16:12

angkon buatonnia sian langgatan inganan ni api dohot banggar ni api, dohot duanggolom hamonyan na halus, lalu dioban ia tu Bilik Na Sun Badia.

BILANGAN 4:14

Di ginjangna i muse angkon payakkonon ni halahi di langgatan i sude parkokas na nipake hatiha maribadat di langgatan i: Inganan ni api, garpu, sodok dohot sambong. Dung i tutupon ni halahi ma i dohot sangkarambar bobak na halus lalu dipamasuk hayu pamorsan i.