HARURUAR 27:21 - BIBEL JAMITA NA DENGGAN

²¹ Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HARURUAR 27:21 ပူးပေါင်းရင်းမြစ်များ

PAMUNGKAAN 1:5

jana digoar ma na torang i “Arian”, jana na golap i “Borngin”. Salpu ma borngin jana torang muse ma ari – i ma ari parjolo.

PAMUNGKAAN 1:8

Digoari Debata ma awang-awang i “Langit”. Salpu ma borngin, jana torang ma ari – i ma ari paduahon.

2 JUJUR TAON 13:11

Ganop manyogot dohot potang sai ditutung halahi do dupa jana dihaulkon halahi do haul situtungon di Tuhan, jana dipasingkop halahi do roti di ginjang ni meja. Ganop borngin dipagara halahi do angka lampu di pat ni parlampuan sere. Tongtong do sai hami oloi angka parenta ni Tuhan. Hape anggo hamu, madung manadingkon Ia.

MASMUR 134:1

Puji ma Tuhan, ale sude naposo ni Tuhan, sude na markobas di BagasNia di hatiha borngin.

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 16:34

Dung i dipayakkon si Harun ma gunci i di jolo ni Poti Parjanjian anso disimpan songon na niparentahon ni Tuhan tu si Musa.

HARURUAR 25:16

Jadi pamasuk ma tu bagasan poti i batu na dua, panyuratan ni angka parentangKi na giot pasahatonKu tu ho.

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

HARURUAR 29:28

HaputusanKu do on na so tola ubaon: Di na ro bangsongKu manghaulkon haul pardonganan, andora dohot hae-hae ni pahan-pahanan i, gabe bagian ni angka malim. I ma haul ni bangsongKu di Au, Tuhan.

HARURUAR 29:42

Tu joloan on sapanjangna, angkon nihaulkon ma haul situtungon di adopanKu di pintu ni Bandar ParmiananKu. Disi ma Au, marsuo dohot bangsongKu jana mangkobari tu hamu.

HARURUAR 29:44

Gabe badia ma Bandar Parmianan dohot langgatan i baenonKu. PaasingonKu ma si Harun dohot angka dakdanaknia sian halak na asing anso gabe malim halahi mangoloi Au.

HARURUAR 30:21

angkon basuon ni halahi do tangan dohot pat ni halahi, anso ulang mate halahi. Songon i ma na nitotopkon di halahi tongtong salolot-lolotna, disia dohot di angka pomparannia marsundut-sundut.”

HARURUAR 30:36

Deba sian pulunganna i angkon lamot do nigiling. Oban ma i tu Bandar ParmiananKu jana sirsirhon ma di jolo ni Poti Parjanjian i. Etong ma hamonyan i songon barang na badia sihaulkonon tu Au. Ulang dibaen ramuan na songon i laho mambaen hamonyan na sarupa tusi na giot di hamu sandiri.

HARURUAR 30:8

Songon i muse muda laho manutung angka lampu i si Harun andospotang. Angkon laing tutungon do hamonyan i songon haul, torus ganop ari salolot-lolotna.

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

HAMALIMON 16:34

Pesta on angkon baenon sanoli sataon laho paiaskon Israel sian dosa ni halahi. Songon i ma angka aturan na nigoaran i angkon patuluson ro di salolot-lolotna.” Si Musa pe dikarejohon ia ma songon na dung diparentahon ni Tuhan i.

HAMALIMON 17:7

Bangso Israel sude angkon tongtong unduk tu Tuhan jana nada tola manyambol angka pahan-pahanan di ladang i songon na giot pasahaton tu jihin na jahat na manyarupai hambeng. Angkon ihutkonon do paraturan on tongtong lalu tu pudian ni ari salolot-lolotna.

HAMALIMON 23:14

Taran so dioban hamu silehenon i tu Tuhan, ulang pangan hamu saotik pe sian gandum na baru i, bope na mata sanga na nisaok sanga ditutung pe. Aturan on angkon ihutkonon ni sude pomparanmu lopus tu ari parpudi.

HAMALIMON 23:21

Di ari i nada tola karejohononmunu sanga aha pe, angkon marlagut do hamu pasangap Au. Angkon patuluson ni pomparanmu do paraturan on sapanjangna sanga di dia pe hamu maringanan.

HAMALIMON 24:2

“Parentahon ma tu bangso Israel, anso dioban halahi miak zetun na polin jana na dumenggan tu angka lampu na di Bandar Parmianan, anso denggan dipagara.

HAMALIMON 24:3

Ganop andospotang pagaraon ni si Harun ma lampu i jana padiaron do i gara lopus manyogot di Bandar Parmianan Ni Tuhan di balian ni tire donok tu Poti Parjanjian na di Bilik Na Sun Badia i. Paraturan on angkon patuluson tongtong lopus tu angka ari na ro.

HAMALIMON 24:9

Ia roti i di si Harun do i dohot di pomparannia. Angkon panganon ni halahi do i di inganan na badia. Angke roti i sabagian sian na sun badia sian sipanganon na nilehen tu Tuhan do i na gabe bagian ni malim.”

HAMALIMON 3:17

Sahalak pe sian halak Israel nada tola mangankon tabo-tabo dohot mudar. Hot do aturan on ro di salolotna angkon sioloan ni ganop halak Israel sanga di dia pe halahi maringanan.

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

HAMALIMON 6:15

Dung i angkon buatonnia ma sude hamonyan na adong di ginjang ni haul i, dohot sanggolom topung bope miak. Sude na nibuatnia i angkon nitutung di ginjang ni langgatan na gabe tanda ma i bahaso sudena i madung nihaulkon tu Tuhan. Uap ni haul i ma na pajop roha ni Tuhan.

HAMALIMON 7:36

Di ari i ma didok Tuhan tu bangso Israel, anso sian haul na nioban ni halahi, sian i ma angkon lehenon ni halahi tu angka malim. Aturan on angkon oloan ni halak Israel sapanjangna.

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

BILANGAN 18:23

Mamungka saonnari, hum halak Levi do na tola mangurus Bandar ParmiananKu, bope mamorsan tanggung jawab na gok hara ni karejo i. Aturan i mardalan do i tu pomparanmu ro di salolotna. Nada adong siteanon ni halak Levi di Israel,

BILANGAN 18:5

Hum ho do Harun dohot anakmu na angkon markarejo di Inganan Na Badia dohot di langgatan, anso ulang gabe marungut-ungut be Au tu bangso Israel.

BILANGAN 19:21

Tongtong do angkon patulusonmunu aturan on ro di salolotna. Halak na mamispiskon aek i pe angkon dibaen ia pakeannia. Sanga ise na manjama aek i, tongtong do ramun ia, lalu tu andospotang.

BILANGAN 35:29

Angka paraturan on mangonai do tu hamu, tu pomparanmunu, sanga di dia hamu maringanan.

BILANGAN 8:9

Dung i suru ma marlagut sude halak Israel jana dokkon halak Levi jongjong di jolo ni Bandar ParmiananKu.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

LUKAS 12:35

“Marjago-jago ma hamu mangadopi sanga aha na ro. Angkon totop do marhohos gontingmu jana gara palitomunu,

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.

1 SAMUEL 3:3

jana si Samuel modom di lambung ni Poti Parjanjian ni Tuhan, di Undung-undung Na Badia i. Taran so bincar dope mataniari jana gara dope lampu,

1 SAMUEL 30:25

Dung i dibaen si Daud ma i gabe sada aturan, jana dipadalan do i di Israel lopus saonnari.