HARURUAR 27:2 - BIBEL JAMITA NA DENGGAN

² Baen ma martanduk di ganop suhi-suhina i. Angkon domu do gabe sada tanduk i dohot langgatan i jana nilampis dohot tumbaga do sudena i.

HARURUAR 27:2 ပူးပေါင်းရင်းမြစ်များ

1 RAJA-RAJA 1:50

Gabe mabiar situtu ma si Adonia mida si Salomo, pola kehe ia maniop angka tanduk ni langgatan di Bandar Parmianan Ni Tuhan.

1 RAJA-RAJA 2:28

Dung dibege si Joab sude na masa i, mabiar situtu ma ia hara ni na manyabola i ia tu si Adonia, haru pe najolo nada ra ia manyabola tu si Absalom. Gabe marlojong ma ia tu Bandar Parmianan Ni Tuhan maniop angka tanduk ni langgatan i.

1 RAJA-RAJA 8:64

Laing di ari i do dibaen si Salomo upacara pamasumasuon di alaman na di jolo ni Bagas Ni Debata. Dung i dipasahat ia ma di alaman i haul situtungon, haul gandum dohot tabo-tabo ni binatang baen haul haluaan. Sudena dipasahat ia disi dibaen mamenektu do langgatan tumbaga i inganan ni sude haul i.

2 RAJA-RAJA 16:14

Diida si Ahas ma anggo langgatan tumbaga na nihasurungkon tu Tuhan, payak di antara ni Bagas Ni Debata dohot langgatan na imbaru i. Jadi gabe dipaimbar ia ma langgatan tumbaga i sian jolo ni Bagas Ni Debata tu sabola Utara ni langgatannia na imbaru i.

2 JUJUR TAON 4:1

Disuru Raja Salomo ma anso dibaen sada langgatan loyang rap sambilan meter ginjangna dohot bidangna, jana gincatna opat satonga meter.

MASMUR 118:27

Tuhan do Debata, madung ditorangi Ia, hita. Tambatkon ma haul pesta i dohot tali, tu tanduk-tanduk ni langgatan i.

HARURUAR 27:3

Baen ma huali inganan ni abuan, sonduk, talam, garpu dohot inganan ni api. Angkon sian tumbaga do baenon sude panjamaan on.

HARURUAR 29:12

Buat ma saotik mudar ni lombu i jana daiskon ma dohot jari-jarimu tu angka tanduk ni langgatan i.

HARURUAR 38:30

Tumbaga i ma dipake gabe ojahan ni pintu ni Bandar Parmianan Ni Tuhan, langgatan rap dohot jalana, sude parkobas ni langgatan i,

JEHESKIEL 43:15

Bagian na patoluhon on ma inganan panutungan ni haul; dua meter gincatna. Di suhi-suhina na opat i adong do na mandungkul songon tanduk.

HAMALIMON 16:18

haruar ma si Harun kehe tu langgatan ni haul situtungon laho pabadiahon langgatan i. Angkon buatonnia saotik sian mudar ni lombu dohot hambeng i, anso diusehon tu ginjang ni angka tanduk na di suhi-suhi ni langgatan i.

HAMALIMON 4:18

Saotik sian mudar i angkon diapuskon tu angka tanduk na di suhi-suhi ni langgatan hamonyan di Bandar Parmianan. Lobina i diduruskon tu ojahan ni langgatan inganan ni haul situtungon na di ruar ni Bandar Parmianan di jolo ni pintuna i.

HAMALIMON 4:25

Angkon disornopkon malim i ma jari-jarina tu bagasan mudar ni pahan-pahanan i jana diapuskon tu angka tanduk na di suhi-suhi ni langgatan i. Lobi ni mudar i diusehon ma tu ojahan ni langgatan.

HAMALIMON 4:7

Angkon niapuskon muse ma saotik sian mudar i tu angka tanduk na di suhi-suhi ni langgatan i mardongan hamonyan na huskus na di bagasan Bandar Parmianan. Lobi ni mudar i angkon niusehon tu ojahan ni langgatan ni haul situtungon di balian ni Bandar Parmianan di jolo ni pintuna i.

HAMALIMON 8:15

Disambol si Musa ma lombu i, dibuat ia deba mudarna, didaiskon ia ma mudar ni lombu i dohot jari-jari ni tangannia tu angka tanduk na di suhi-suhi ni langgatan i, anso gabe Debata nampuna langgatan i. Disaburkon ia ma mudar na lobi i tu ojahan ni langgatan i. Songon i ma pangalahona paias langgatan i mangihutkon ugamo sipasahaton tu Tuhan.

ZAKARIA 9:15

Ondihonon ni Tuhan Na Markuaso i ma halahi, jana pangabison huhut dege-degeon ni halahi ma angka alona. Giot inumon ni halahi ma mudar songon na minum anggur. Lopus gok songon bokor panyiram songon parsuhi ni langgatan.

BILANGAN 3:31

Halahi do nampuna karejo mangurus Poti Parjanjian, meja, inganan ni lampu, angka langgatan, angka parkokas na nipake ni malim di Inganan Na Badia, dohot tire na di Bilik Na Sun Badia i. Halahi do nampuna karejo na mardomu tu barang-barang na disi.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.