HARURUAR 26:31 - BIBEL JAMITA NA DENGGAN

³¹ Baen ma tire sian abit linen na halus na nitonun dohot wol na rata langit, na bunga torung dohot na rara, na nisulaman dohot bonang na bontar, disulamkon panyulam na malo ma bonang linen i gabe gambaran ni angka kerub.

HARURUAR 26:31 ပူးပေါင်းရင်းမြစ်များ

2 JUJUR TAON 3:14

Laing dibaen do tire di Bilik Na Sun Badia i, i ma sian abit linen dohot abit na asing na rata langit, na bunga torung dohot na rara. Dihiasi do tirena i dohot gambar ni kerub.

MASMUR 137:5

Indangkon sai huboto be marhasapi muda pola huhalupahon ho, Jerusalem!

HARURUAR 25:18

Baen ma dua kerub sian sere na nitopa,

HARURUAR 25:4

abit linen na halus, abit wol na rata langit, na bunga torung dohot na rara, abit na nibaen sian imbulu ni hambeng,

HARURUAR 26:1

“Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 26:32

Gantungkon ma abit i di tiang hayu akasia na opat na marlampis sere i jana na marsangkotan sere i jana na nipajongjong di ginjang ni ojahan perak na opat i.

HARURUAR 27:16

Tu pintuna i angkon adong do tire sambilan meter ginjangna sian abit linen na halus na nitonun dohot wol na rata langit, na bunga torung dohot na rara, jana na nisulaman. Na nipajongjong do tire i dohot opat tiang di ginjang ni opat ojahan.

HARURUAR 27:21

Angkon pagaraon ni si Harun dohot dakdanaknia do lampu i. Di ruar ni tire panutup ni Poti Parjanjian i ma inganan ni lampu i. Di Bandar ParmiananKi, angkon torus do gara lampu sian potang ari lalu tu torang ari. Angkon dalankonon ni halak Israel dohot pomparanna do parenta on sapanjangna.”

HARURUAR 28:15

“Baen ma sada tutup ni andora ni Malim Godang, i ma na angkon sipakeonnia muda giot botoonnia sanga aha na nipangido ni roha ni Debata. Angkon sarupa do bahan ni tutup ni andora i dohot bahan ni baju efod dohot panyulamna.

HARURUAR 35:12

Poti Parjanjian dohot hayu porsananna, tutup dohot tire panggupgupina;

HARURUAR 35:25

Sandok dadaboru na malo martonun dohot tanganna sandiri jana dioban ma na nitonunna i, i ma angka abit na bunga torung, na rata langit, abit na rara dohot linen na lamot.

HARURUAR 35:35

Madung digohi Tondi i halahi dohot hamaloan laho mambaen sude angka ragam ni karejo hatukangon, parkarejoan ni sada halak na sun malo, karejo ni na martonun marrupa-rupa sian abit na bunga torung, na rata langit, abit na rara dohot linen na lamot dohot parkarejoan ni tukang tonun, i ma angka na mangkarejohon sude ragam ni parkarejoan dohot na mambaen rangrangan ni sasude.

HARURUAR 35:6

sere, perak, tumbaga, abit na bunga torung, abit na rata langit, abit na rara, linen na lamot, imbulu ni hambeng;

HARURUAR 36:35

Dibaen halahi muse do tire sian abit linen na halus na ditonun mardongan wol na rata langit, na bunga torung dohot na rara, na marsulamkon kerub.

HARURUAR 36:36

Dibaen halahi muse tiang sian hayu akasia baen gantungan ni tire i. Dilampis dohot sere do tiang na opat i, jana dipadomu dohot haitan sere. Dibaen halahi muse ma opat ojahan sian perak laho manahan angka tiang i.

HARURUAR 36:8

Jadi dipature halahi sude angka na malo-malo i ma Bandar Na Badia na nibaen sian sampulu tire abit linen na lamot na nipuyu bonangna dohot sian abit na bunga torung, na rata langit dohot sian abit na rara; adong muse gombaran kerub na nibaen ni partonun na malo do sudena i.

HARURUAR 38:23

Si Aholiab anak ni si Ahisamak na sian Marga Dan dongan pangurupinia na markarejo i na malo do manggorga, mambaen rangrangan jana partonun abit linen na halus dohot wol na rata langit, na bunga torung dohot na rara.

HARURUAR 40:21

Lalu dipamasuk ma Poti i di bagasan Bandar Parmianan, dung i digantungkon ma tire pangondingina di jolo. Songon i ma pangholipi ni Poti Parjanjian i dibaen.

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

ENDE NA GODANG 7:1

Si bujing na sumurung hajogian, patmu na marsandal sai lohot tu roha di bagasan. Lengkuk ni gontingmu songon na nitukangan, karejo ni sada bayo parsinaloan.

HAMALIMON 16:15

Dung songon i, sambolon ni si Harun ma hambeng na gabe haul hasesaan ni dosa ni rayat i. Mudar ni hambeng i angkon obanon tu Bilik Na Sun Badia, lalu dipispiskon tu ginjang ni Poti Parjanjian i dohot tu jolo ni Poti i, songon na dung dibaen dos dohot mudar ni lombu jantan i.

HAMALIMON 16:2

Ning Ia ma, “Pabolkas ma tu angkangmu si Harun, anso hum di hatiha na dung ditontuhon do tola masuk ia tu Bilik Na Sun Badia di pudi ni hire-hire i, angke disi do giot patidahononKu diringKu di bagasan ombun di ginjang ni Poti Parjanjian i. Muda dilaosi si Harun do parenta i, hona bunu ma ia.

BILANGAN 4:5

Dilehen Tuhan ma angka parenta tu si Musa songon on: Muda dapot hatiha mambuka parbandaran i, angkon masuk ma si Harun dohot angka anaknia tu Bandar ParmiananKu, lalu paijurkon tire na di jolo ni Poti Parjanjian, dung i ditutup ma Poti i dohot tire i.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

MARKUS 15:38

Masibak ma tire na gantung di bagasan Bagas Ni Debata sian ginjang lopus tu toru.

LUKAS 23:45

jana maribak ma tire na di Bagas Ni Debata, gabe bola dua.

EPESUS 2:14

Angke Kristus sandiri do na padamehon hita. Dipadomu Ia do angka halak Jahudi dohot angka halak na so Jahudi gabe sada bangso. Parbadaan na songon bolat-bolat na manyirang halahi madung disego-sego Kristus dohot hamamateNia i sandiri.