HARURUAR 26:1 - BIBEL JAMITA NA DENGGAN

¹ “Angkon baenonmu do Bandar ParmiananKi sian abit linen na halus. Angkon baenonmu do sampulu tenda di Bandar Parmianan i sian abit linen na halus, na ditonun sian wol na rata langit, na bunga torung dohot na rara. Sulamkon ma tusi gambar ni angka kerub.

HARURUAR 26:1 ပူးပေါင်းရင်းမြစ်များ

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

1 RAJA-RAJA 6:29

Sude dingding sabola sian bagasan di Bagas Ni Debata i dipajeges dohot ukiran ni gambar ni angka kerub, angka batang ni kurma dohot bunga-bunga na kombang.

1 JUJUR TAON 17:1

Dung hot Raja Daud mangingani bagas godangnia i, dipiohon ia ma sanoli Panurirang Natan jana didok ia ma, “Ligi ma, di bagas godang na nibaen sian hayu sampinur Libanon do au maringanan, hape Poti Parjanjian ni Tuhan i, hum di bagasan bandar ma ingananna!”

1 JUJUR TAON 21:29

Di hatiha i, di halongonan dope Bandar Ni Tuhan na nibaen ni si Musa i jana langgatan inganan ni haul situtungon i laing di inganan paribadatan na di Gibeon dope.

HARURUAR 25:18

Baen ma dua kerub sian sere na nitopa,

HARURUAR 25:4

abit linen na halus, abit wol na rata langit, na bunga torung dohot na rara, abit na nibaen sian imbulu ni hambeng,

HARURUAR 25:8

Suru ma anso dibaen bangso i di Au sada Bandar Na Badia, anso maringanan Au di tonga-tonga ni halahi.

HARURUAR 26:2

Angkon sarupa do ukuran ni ganop potong, dua bolas meter ginjangna jana tohangna dua meter.

HARURUAR 26:31

Baen ma tire sian abit linen na halus na nitonun dohot wol na rata langit, na bunga torung dohot na rara, na nisulaman dohot bonang na bontar, disulamkon panyulam na malo ma bonang linen i gabe gambaran ni angka kerub.

HARURUAR 26:36

Pintu ni Bandar Parmianan pe angkon baenon do sada tire sian abit linen na halus na nitonun dohot wol na rata langit, na bunga torung dohot na rara na nihiasan dohot sulaman.

HARURUAR 31:7

Bandar ParmiananKu, Poti Parjanjian dohot tutupna, sude panjamaan ni Bandar Parmianan,

HARURUAR 35:11

i ma Bandar Na Badia, tarup ni Bandar Parmianan dohot emperna, sangkotanna dohot papanna, porenna, tiangna dohot ojahanna;

HARURUAR 35:35

Madung digohi Tondi i halahi dohot hamaloan laho mambaen sude angka ragam ni karejo hatukangon, parkarejoan ni sada halak na sun malo, karejo ni na martonun marrupa-rupa sian abit na bunga torung, na rata langit, abit na rara dohot linen na lamot dohot parkarejoan ni tukang tonun, i ma angka na mangkarejohon sude ragam ni parkarejoan dohot na mambaen rangrangan ni sasude.

HARURUAR 35:6

sere, perak, tumbaga, abit na bunga torung, abit na rata langit, abit na rara, linen na lamot, imbulu ni hambeng;

HARURUAR 36:35

Dibaen halahi muse do tire sian abit linen na halus na ditonun mardongan wol na rata langit, na bunga torung dohot na rara, na marsulamkon kerub.

HARURUAR 39:3

Ditopa halahi ma marlempeng-lempeng sere na dirasip muse gabe bonang na nipis, lalu ditonun ma i dohot abit linen na halus, dohot wol na rata langit, na bunga torung dohot na rara.

HARURUAR 40:2

“Pasangonmu ma Bandar ParmiananKi di tanggal sada bulan sada.

BILANGAN 3:25

Halahi do nampuna angka urusan ni Bandar Parmianan, bope tutup sian bagasan, sian balian ni tire di pintu laho masuk.

BILANGAN 4:25

Bandar Parbadia dohot angka barang: Tutup ni Bandar Parmianan sian bagasan, tutup sian ruar, abit sian bobak na halus panutup sian ginjang, tire ni pintu ni Bandar Parmianan,

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 2:21

Tapi pamatangNia sandiri do anggo na nidokNia Bagas Ni Debata.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.

IBRANI 9:9

Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.