HARURUAR 25:9 - BIBEL JAMITA NA DENGGAN

⁹ Angkon marguru tu sangkap na giot patuduhononKu tu hamu do baenonmunu Bandar Parmianan dohot sude panjamaan sipakeon disi.”

HARURUAR 25:9 ပူးပေါင်းရင်းမြစ်များ

HARURUAR 25:40

Jagohon ma anso laing tudosan ni parlampuan na Hupatidahon na di ginjang dolok i tu ho pambaenna.”

HARURUAR 26:30

Songon rancangan na Hupatidahon di ginjang dolok i ma pajongjong Bandar Parmianan.

HARURUAR 39:32

Ujungna sidung ma sudena karejo i na paulihon Bandar Parmianan Ni Tuhan i. Madung disalosehon halak Israel sudena hombar tu na diparentahon ni Tuhan tu si Musa.

HARURUAR 39:42

Madung dipatulus halak Israel sude karejo i laing songon na niparentahon ni Tuhan tu si Musa.

HARURUAR 39:43

Dipareso si Musa ma sudena i jana diida ia ma bahaso na dung tumbuk sudena dibaen laing songon na niparentahon ni Tuhan. Jadi dipasupasu si Musa ma antong halahi.

BILANGAN 4:12

Sude parkokas na nipake di Inganan Na Badia i, angkon buaton ni halahi jana bungkuson tu abit na rata langit, dung i ditutup muse dohot sangkarambar bobak na halus, dung i dipayakkon di ginjang ni inganan pamorsananna.

BILANGAN 8:4

Anggo inganan ni lampu i sian ginjang lalu tu toru, dibaen sian sere na nitopa do songon na dung dipaboa ni Tuhan i hian tu si Musa.

BAENON NI ANGKA RASUL 7:44

Bandar Hasaksian adong do di tonga-tonga ni jolma ompunta na di halongonan i. Hombar tu parenta ni Debata tu si Musa do dipature, jana mangihutkon gambaran na nipatidahon ni Debata tu si Musa.

IBRANI 8:2

Dikarejohon Ia do karejoNia songon Malim Godang di Bilik Na Sun Badia, i ma di Bandar na manongtong i, na nipajongjong ni Tuhan, nada na nibaen ni jolma.

IBRANI 8:5

Anggo angka karejo na nibaen ni halahi hara ni hamalimon ni halahi i, satutuna tarsongon sada tudosan dohot gambaran ni na di banua ginjang do i. Ma pola dipaboa Debata i najolo tu si Musa, di na laho pajongjongkon bandar i si Musa. Didok Debata do songon on tu si Musa, “Ingot ma! Angkon baenonmu do sudena i mangihutkon tiruan na nipatuduhon tu ho di ginjang ni dolok i.”

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.

IBRANI 9:9

Hatiha sisaonnari on ma na nigambarkon ni i; astuanna, anggo angka haul sanga haul pahan-pahanan na nihaulkon i tu Debata, nada tarbaen i paias roha ni halak na manghaulkon i gabe sanggam.