HARURUAR 25:2 - BIBEL JAMITA NA DENGGAN

² “Suruhon ma halak Israel maroban somba-somba tu Au. Jagiti sajo ma sanga aha na nipasahat ni halahi sian ias ni rohana be.

HARURUAR 25:2 ပူးပေါင်းရင်းမြစ်များ

ESRA 1:6

Dohot do sude hombar bagas ni halahi mambantu marhite na mangalehen barang-barang, angka parkokas perak rupani, sere, balanjo di dalan, binatang boban, angka harto na asing dohot angka sihaulkonon di Bagas Ni Tuhan.

ESRA 2:68

Dung lalu angka halak na tarbuang i di Bagas Ni Tuhan na di Jerusalem, deba sian angka pamimpin ni angka horong-horong i mangalehen sian na nionjar ni rohana silehen-lehen laho mambangun Bagas Ni Tuhan mangulahi.

ESRA 3:5

Tamba ni i taratur ma dipasahat halahi haul situtungon dohot haul di Ari Pesta Bulan Baru, dohot di sude parsuoan na asing na dipatupa laho marsomba Tuhan. Dipasahat halahi muse haul na niojar ni rohana be tu Tuhan.

ESRA 7:16

Laing oban muse ma sude sere dohot perak na nipalagutmi di sude Babel dohot sude sumbangan ni bangso Israel dohot angka malimna baen di Bagas Ni Tuhan Debata ni halahi di Jerusalem.

NEHEMIA 11:2

Adong do sian tonga-tonga ni halahi na rela totop di Jerusalem jana dipuji rayat i do halahi.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HARURUAR 25:1

Didok Tuhan ma tu si Musa,

HARURUAR 25:3

Adong do i na maroban sere, perak dohot tumbaga;

BILANGAN 18:24

angka na gabe teanon ni halahi, madung Hulehen di halahi saparsampulu sian sude bagian na dihaulkon ni halak Israel di Au na gabe silehen-lehen na mardohonan. Hara ni i ma dibaen na Hudok tu halak Levi i bahaso na so adong tean-teanan di halahi di Israel.”

2 KORINTUS 9:7

Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.

HAKIM-HAKIM 5:9

Hamu angka panglima Israel, hupasangap do hamu. Puji Tuhan! Sian jop ni rohana dilehen halahi dirina gabe haul.