HARURUAR 24:8 - BIBEL JAMITA NA DENGGAN

⁸ Jadi dibuat si Musa muse ma mudar na di mangkuk-mangkuk i jana dipispiskon ia ma i tu rayat i. Ning ia ma, “Mudar on ma tanda ni parjanjian ni Tuhan dohot hamu di na nilehenNia angka parentaNia on.”

HARURUAR 24:8 ပူးပေါင်းရင်းမြစ်များ

1 RAJA-RAJA 8:21

Di bagasan Bagas Ni Debata i madung hupasingkop inganan ni Poti Parjanjian ni Tuhan. Songon na dung rap taboto, di bagasan Poti i do disimpan dua batu lei na marisi parjanjian ni Tuhan dohot ompunta di na niobanNia halahi haruar sian Mesir.

1 RAJA-RAJA 8:9

Di bagasan Poti Parjanjian i nada adong bagi aha asing ni na dua batu. Madung dipamasuk si Musa hian do batu i di Dolok Sinai, di na nibaen ni Tuhan i janji dohot bangso Israel dompak di pardalanan ni halahi haruar sian Mesir.

MASMUR 78:36

Hape hum gabus sajo do dipandok halahi, nada adong na tutu hata na nidokna i.

HARURUAR 24:6

Dibuat si Musa ma satonga sian mudar ni pahan-pahanan i jana dibaen ia ma i tu mangkuk-mangkuk. Deba nari dipispiskon ia ma tu ginjang ni langgatan i.

JESAYA 52:15

Tapi anggo saonnari bahat bangso homang hara ni ia, mangkohom angka raja hara ni longangna. Angke na so dibaritahon humani tu halahi, ligion ni halahi ma saonnari, dohot aha na so binege ni halahi, astuanna ma saonnari.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HAMALIMON 8:30

Dibuat si Musa ma deba sian miak upacara dohot deba sian mudar na adong di ginjang langgatan i, dung i dipispiskon ia ma tu si Harun bope tu angka anakna i bope tu pakean ni halahi tu Tuhan.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.

ZAKARIA 9:11

Didok Tuhan ma tu bangsoNia, “Ho pe markite-hite mudar ni parjanjianKu dohot do paluaonKu angka na tarbuang sian ho, malua sian sumur na so marisi aek.

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.

MARKUS 14:24

Dung i didok Jesus ma tu halahi, “On ma mudarKu, na niduruskon di halak na bahat, i ma mudar na mambaen tulus parjanjian ni Debata.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

PANGARATAION 5:2

Dibaen Tuhan Debatanta do sada parjanjian di Dolok Sinai,

IBRANI 10:29

Haru tu halak na songon i, i ma borat ni uhumanna, mur bia muse dope ulaning borat ni uhuman tu angka jolma na songon on: Na mangalayasi Anak Ni Debata, halak na marnayang ni roha mida hamamate ni Kristus na songon jaminan ni janji ni Debata na mangkaholongi Ia. Hilala hamu ma sanga bia dokdok ni uhuman tu angka jolma sisongon i!

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

JOSUA 24:25

Jadi di ari i di Sikem, dibaen si Josua ma pamudun ni janji dohot halak Israel; jana disi ma dilehen ia tu halahi angka uhum dohot angka aturan na angkon sioloan ni halahi.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.