HARURUAR 24:6 - BIBEL JAMITA NA DENGGAN

⁶ Dibuat si Musa ma satonga sian mudar ni pahan-pahanan i jana dibaen ia ma i tu mangkuk-mangkuk. Deba nari dipispiskon ia ma tu ginjang ni langgatan i.

HARURUAR 24:6 ပူးပေါင်းရင်းမြစ်များ

2 RAJA-RAJA 17:15

Nada ra Israel dohot Juda mangoloi angka parenta ni Tuhan jana nada sintong halahi tu parjanjian na nibaenNia dohot ompu ni halahi. Nada ditangihon halahi muda digorahon Tuhan halahi, tapi marsomba tu gana-ganaan na so marguna do halahi, jadi halahi pe gabe nada marguna be. Mangihut tu tiruan ni angka bangso na humaliang i do halahi haru pe madung dilarang Tuhan.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 12:22

Buat hamu ma sangkolting hisop, pamasuk ma i tu sambong na marisi mudar ni pahan-pahanan i, daiskon ma i tu na dua tiang ni pintu dohot tu pamalpal ni pintu ni bagasmunu. Lopus tu manyogotna i nada tola sahalak pe manadingkon bagas.

HARURUAR 12:7

Dung i daiskon ma saotik sian mudarna i tu dua tiang ni pintu i dohot tu pamalpal ni pintu sian ginjang di bagas inganan ni halahi mangankon juhutna i.

HARURUAR 24:8

Jadi dibuat si Musa muse ma mudar na di mangkuk-mangkuk i jana dipispiskon ia ma i tu rayat i. Ning ia ma, “Mudar on ma tanda ni parjanjian ni Tuhan dohot hamu di na nilehenNia angka parentaNia on.”

HARURUAR 29:16

Dung i sambol ma binatang i, buat ma mudarna i jana pispiskon ma tu suhi-suhi na opat ni langgatan i.

HARURUAR 29:20

Lalu sambol ma i, buat ma saotik mudarna i jana daiskon ma tu pinggol siamun ni si Harun dohot dakdanaknia i, di inang ni tangan siamun dohot inang ni jari-jari ni pat siamun ni halahi. Angkon pispiskononmunu do lobi ni mudar i tu suhi na opat ni langgatan i.

JEREMIA 31:32

Tapi nada sarupa parjanjian i dohot parjanjian na Hubaen tu ompu ni halahi di na Hutogu halahi haruar sian Mesir. Haru pe Au songon halaklahi ni halahi, tapi digagai halahi do parjanjianKu dohot halahi.

HAMALIMON 1:11

Sambolon ni halahi ma pahan-pahanan i di topi ni langgatan sabola sian Utara, dung i pispiskonon ni malim ma mudar ni pahan-pahanan i tu na opat topi ni langgatan i.

HAMALIMON 1:5

Dung i angkon di pintu ni Bandar Parmianan i do disambol lombu i. Mudar ni lombu i, pasahaton ni angka malim sian pomparan ni si Harun ma i tu Tuhan, lalu dipispiskon tu opat-opat topi ni langgatan na donok tu pintu ni Bandar Parmianan i.

HAMALIMON 3:2

Halak na maroban haul, angkon dipayakkon do tanganna tu ginjang ni ulu ni lombu i lalu disambol di pintu ni Bandar Parmianan Ni Tuhan. Dung i dipispiskon angka malim pomparan ni si Harun ma mudar ni lombu i tu na opat topi ni langgatan i.

HAMALIMON 3:8

Jana angkon payakkononna ma tanganna tu ginjang ulu ni biri-biri i lalu disambol ia ma i di jolo ni Bandar Parmianan. Lalu diduruskon malim i ma mudarna i tu na opat topi ni langgatan i.

HAMALIMON 4:6

Dung i disornopkon ia ma jari-jarinia tu mudar i lalu dipispiskon ia pitu noli adop tire na di jolo ni Poti Parjanjian i.

1 KORINTUS 11:25

Laing songon i ma dung abis mangan, dibuat Ia muse ma panginuman ni anggur lalu didok Ia ma, “Parjanjian Na Imbaru do anggur on, na ditontuhon ni mudarKu. Ganop diinum hamu on, baen hamu ma on marningot Au.”

KOLOSSE 1:20

Jana markite-hite Anak i muse do dibaen Debata sasudena mardenggan mangulahi dohot Debata – sasudena na di tano on, sanga pe na adong di banua ginjang. Markite-hite hamamate ni AnakNia di hayu parsilang i do dibaen Debata sudena i.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.

IBRANI 9:18

Hara ni i do umbaen na nirasmihon dohot mudar janji na parjolo i.

IBRANI 9:19

Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.

IBRANI 9:21

Dung i dipispiskon ia muse ma laing songon nangkin mudar i tu bandar i dohot tu angka panjamaan na nipake marsomba tu Debata.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.