HARURUAR 24:4 - BIBEL JAMITA NA DENGGAN

⁴ Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 24:4 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 28:18

Ancogotna i andostorang dope, ngot ma si Jakob, dibuat ia ma batu na niparbantalnia i, dipajongjong ia ma i gabe batu parningotan. Dung i diduruskon ia ma miak zetun tu ginjang ni batu i laho mambaensa gabe hapunjungan ni Debata.

PAMUNGKAAN 28:22

Jana lehenonku ma di Ho saparsampulu ni sandok na nilehenMu di au. Batu parningotan, na hupajongjong on, gabe inganan parsombaan tu Ho ma i.”

PAMUNGKAAN 31:45

Dung i dibuat si Jakob ma sada batu, dipajongjong ia ma i gabe batu parningotan.

1 RAJA-RAJA 11:30

Dibuka panurirang i ma baju juba na imbaru na nipakenia i, lalu disibak-sibak ia gabe dua bolas sibak.

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

ESRA 6:17

Di peristiwa i dipasahat halahi ma tu Tuhan saratus lombu jantan, dua ratus biri-biri jantan dohot opat ratus anak ni biri-biri jantan. Baen haul hasesaan ni dosa dihaulkon dua bolas hambeng, sada be ma i ganop Marga Israel.

NEHEMIA 10:1

Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

HARURUAR 17:14

Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

HARURUAR 17:15

Jadi dipajongjong si Musa ma sada langgatan, jana dibaen ia ma goarna, “Tuhan do Manderangku.”

HARURUAR 21:1

Jadi didok Tuhan ma tu si Musa, “Pasahat ma tu halak Israel angka aturan on:

HARURUAR 24:7

Dung i dibuat si Musa ma buku parjanjian panyuratan ni angka parenta ni Tuhan i, jana disise ia ma i gogo di jolo ni bangso i. Didok halahi ma, “Oloannami ma Tuhan i, jana patulusonnami ma sandok na niparentahonNia.”

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

HARURUAR 34:27

Didok Tuhan ma tu si Musa, “Suratkon ma sudena hata on, harana baenonKu ma parjanjian dohot ho bope dohot Israel, marojahan tu hata on.”

JESAYA 19:19

Anggo di hatiha i adong noma sada langgatan di Tuhan ingananna di tonga-tonga ni Luat Mesir, jana di parbatasan ni Mesir i adong sada tiang na nibaen hasurungan ni Tuhan.

HAMALIMON 24:5

“Buat ma dua bolas kilogram topung, dung i pohul ma i gabe dua bolas.

BILANGAN 17:2

“Suru ma halak Israel mangalehen dua bolas tungkot tu ho, sian ganop pamimpin ni marga sada tungkot. Suratkon ma ganop goar ni pamimpin di tungkotna i,

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

GALATIA 2:9

Si Jakobus pe, si Petrus, si Johannes, na gabe songon partunggul di parlagutan i, dioku halahi do na dung dilehen Debata do tu au hak na sada on. Dung i dijalang halahi do si Barnabas dohot au songon tanda ni parale-aleonnami. Jadi satahi ma halahi dohot hami, di tonga-tonga ni angka bangso na so Jahudi ma hami markarejo, jana halahi ma markarejo di tonga-tonga ni halak Jahudi.

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 4:20

Disi ma disusun si Josua sidua bolas batu na dibuat sian Jordan i.

JOSUA 4:5

lalu didok ia ma, “Kehe ma hamu tu Jordan, tu jolo ni Poti Parjanjian ni Tuhan Debatamunu. Porsan hamu ma sian i sada be batu di abaramunu – sada be batu di ganop marga ni bangso Israel.

HALUMBAAN 21:14

Di ginjang ni dua bolas batu ojahan do dipajongjong tembok ni kota i. Tarsurat do angka goar ni rasul ni Anak Ni Biri-biri i, i ma sidua bolas halak i di angka batu ojahan i.