HARURUAR 24:3 - BIBEL JAMITA NA DENGGAN

³ Jadi kehe ma si Musa jana dipabotohon ia ma tu bangso i sude parenta dohot aturan na nilehen ni Tuhan i. Rap mangalusi ma rayat i sanoli mandok, “Patulusonnami ma sude na nidok ni Tuhan i.”

HARURUAR 24:3 ပူးပေါင်းရင်းမြစ်များ

2 JUJUR TAON 15:14

Marsora na gogo ma halahi marsumpa tu Tuhan paboa na giot tiopon ni halahi ma janji i. Dung i marsurak-surak ma halahi jana mangombus sarune.

2 JUJUR TAON 15:15

Marjop ni roha do sandok rayat Juda, angke madung marsumpa halahi sian nasa roha. Sonang ma roha ni halahi mulak tu Tuhan, jana Tuhan pe lomo ma rohana manjagit halahi. Dilehen ia ma tu halahi hasonangan di luat ni halahi.

MASMUR 50:5

Diparentahon Ia do tu halahi laho palagutkon bangsoNia di joloNia; bangso na dung mangikat janji dohot Ia, jana na manghaulkon haul situtungon tuSia.

HARURUAR 19:8

Jadi rap mangalusi ma sude bangso i, “Patulusonnami ma sude na nidok ni Tuhan i,” ning halahi mangalusi. Jana dipalalu si Musa ma alus on tu Tuhan.

HARURUAR 24:2

Sahalak pe nada tola padonok-donokkon tu Au asing sian ho sandiri. Tapi anggo halak na bahat i, hum manganangkohi dolok i pe nada tola.”

HARURUAR 24:7

Dung i dibuat si Musa ma buku parjanjian panyuratan ni angka parenta ni Tuhan i, jana disise ia ma i gogo di jolo ni bangso i. Didok halahi ma, “Oloannami ma Tuhan i, jana patulusonnami ma sandok na niparentahonNia.”

JEREMIA 11:4

Na dung Hubaen do parjanjianKi dohot angka ompu ni halahi di na Huoban halahi ruar sian Mesir, i ma luat na tudos tu narako di halahi. Husuru halahi marpangoloion tu Au dohot patuluskon sandok na Huparentahon tu halahi. Laing Hudok muse do, muda marpangoloion halahi tu Au, halahi ma gabe bangsongKu jana Au Debata ni halahi.

JEREMIA 34:13

Debata ni Israel marsuru au mandok tu angka jolma songon on, “Di na Huoban ompungmunu haruar sian Mesir jana Hupalua sian parhatobanon, na dung Hubaen do parjanjian dohot halahi.

HAGAI 2:5

Di na haruar hamu sian Mesir, na dung Hujanjihon do sai ondihononKu hamu. Jana saonnari pe Huondihon do hamu. Jadi ulang pola mabiar hamu.

MALEAKI 2:10

Inda he sisada ama hita on sude? Nada he sada do Debata na manompa hita on sude? Antong, biasi dehe marsiosean janji hita on? Biasi muse taose parjanjian na nibaen ni Debata dohot ompunta i?

PANGARATAION 11:1

“Haholongi hamu ma Tuhan Debatamunu jana setia ma hamu mangoloi sude parentaNia.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:45

Dilehen ia angka aturan tu halahi dung haruar halahi sian Mesir,

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 5:31

Tapi anggo ho, Musa, dison ma ho rap dohot Au, lehenonKu ma tu ho sude aturan dohot parentangKu. Angkon ajarkononmu do i tu bangso i anso dioloi halahi i di tano na giot silehenonKu tu halahi.’

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

JOSUA 24:21

Jadi mangalusi ma angka halak Israel i, “Nada! Indangkon na mangoloi hami anggo tu angka debata na asing. Hum tu Tuhan sajo do hami mangoloi!”

JOSUA 24:22

Dung i didok si Josua ma, “Antong, hamu sandiri ma saksina paboa na dung diputuskon hamu laho mangoloi hum tu Tuhan.” “Na tutu ma i,” ning halahi mangalusi, “hami sandiri ma saksina.”

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”