HARURUAR 24:14 - BIBEL JAMITA NA DENGGAN

¹⁴ Didok si Musa ma tu angka pamimpin ni halak Israel i, “Painte hamu ma di inganan parbandaran on lopus mulak hami. Dison do si Harun dohot si Hur donganmunu. Sanga ise na adong parsoalanna, mangadop ma tu halahi anso adong hasidunganna.”

HARURUAR 24:14 ပူးပေါင်းရင်းမြစ်များ

PAMUNGKAAN 22:5

Jadi ning ia ma tu hatobannia na dua i, “Dison ma hamu na dua dohot halode on. Anggo au dohot anakkon kehe ma hami jolo tu adu laho manyomba Tuhan, mulak pe hami tuson mandapotkon hamu.”

HARURUAR 17:10

Jadi dipatulus si Josua ma sanga songon dia na niparentahon ni si Musa i tusia. Kehe ma ia mamorangi halak Amalek; tapi anggo si Musa, si Harun dohot si Hur manangkok ma tu dolok lopus tu puncutna an.

HARURUAR 17:12

Jadi dung loja tangan ni si Musa, dibuat si Harun ma dohot si Hur sada batu juguhan ni si Musa; jongjong ma si Harun dohot si Hur di siamun siambirang ni si Musa laho manungkol tangannia i anso hot toltol lopus sundut mataniari.

HARURUAR 18:16

Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

1 SAMUEL 10:8

Dung salpu i angkon kehe do ho tu Gilgal jana painte ma disi pitu ari. Ro pe au laho manghaulkon haul situtungon dohot haul haluaan, lalu paboahon tu ho sanga aha na angkon sibaenonmu.”