HARURUAR 23:22 - BIBEL JAMITA NA DENGGAN

²² Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

HARURUAR 23:22 ပူးပေါင်းရင်းမြစ်များ

PAMUNGKAAN 12:3

PasupasuonKu ma sanga ise na mamasumasu ho. Tapi buraanKu ma sanga ise na mamurai ho. Jana hara ni ho, pasupasuonKu ma sude angka bangso na di tano on.”

MASMUR 35:1

Tuhan, alo ma sanga ise na mangalo au, porangi ma sanga ise na mamorangi au.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

JEREMIA 30:20

Angka anak ni halahi angkon songon di mulana, jana parlagutan ni halahi angkon marbungaran salolot ni lolotna di jolongKu. UhumonKu ma sude halak na mamparhanciti halahi.

ZAKARIA 2:8

Harana songon on do hata ni Tuhan Na Markuaso, na dung marsuru au di bagasan hamuliaonNa, taringot tu angka bangso na dung manaban hamu na jolo. Angke sanga ise na manjama hamu, na manjama anak ni matana sandiri do ia disi.

BILANGAN 24:8

Sian Mesir dioban Debata halahi ruar, marporang halahi songon lombu na riar. Musu ni halahi sude dibondut, holi-holina pe diropuk, sior ni halahi pe digepu-gepu.

BILANGAN 24:9

Anggo bangso Israel i na gogo do tarsongon singa, ise muse ma he na puluk mangganggusa andigan disia hatiha maradian? Sanga ise mamasumasu halak Israel, ia pe dipasupasu barang ise na mamurai Israel, ia pe hona bura.”

PANGARATAION 28:1

“Muda dioloi ho Tuhan Debatamu, jana dihaburjuhon ho patuluskon sude parenta na hulehen tu ho di ari sadari on, jadi baenon ni Tuhan ma ho gabe bangso na gumodang sian sude bangso na asing di portibi on.

PANGARATAION 30:7

Ampehonon ni Tuhan Debata ma tu angka musumunu na sai magigi mida hamu dohot na manyosak hamu angka bura i.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”