HARURUAR 23:2 - BIBEL JAMITA NA DENGGAN

² Ulang dohot-dohotan hamu di halak na bahat anggo na mambaen na sala do halahi sanga na mandok hasaksian na paegolkon na tigor.

HARURUAR 23:2 ပူးပေါင်းရင်းမြစ်များ

PAMUNGKAAN 19:4

Andorang so modom dope angka tamu i, dihaliangi angka halaklahi na di Sodom i ma bagas i. Sude halaklahi na sakota i, na poso dohot na matobang ma disi sude.

PAMUNGKAAN 6:12

Ditatap Debata ma sude tano on jana diida Ia do hajahatanna dibaen madung sude ngolu ni jolma i jahat.

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

JOB 31:34

Nada huhabiari pandapot ni halak na bahat, jana nada parduli au di hata jungkat ni halak. Na so ra do au so di bagas, sanga so sajo, hara ni na mabiar dipalayas.

MASMUR 72:2

Anso nian diadili bangsoMi mangihutkon aturan, jana dibaen ia na tigor tu halak na nisosakan.

PODA 1:15

Ulang ho kehe dohot angka jolma sisongon i, ale anakku! Padao ma dirimu sian halahi.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

PODA 4:14

Ulang ho kehe tu angka inganan na somal didapotkon halak na jahat. Ulang tiru parbuatan ni halahi.

JEREMIA 37:15

Sun ma muruk ni halahi tu au jana diparentahon halahi anso dibalbali au jana dihurung di bagas ni si Jonathan, juru tulis ni bagas godang i. Gabe hurungan do dibaen bagas i.

JEREMIA 37:21

Jadi gabe diparentahon Raja Zedekia ma anso dihurung au di alaman ni bagas godang. Jadi disi ma au tinggal jana ganop ari dilehen do di au roti sian parmasahan ni roti lopus nada adong be roti di kota i.

JEREMIA 38:9

“Ale Rajanami na marmulia, nada denggan pambaenan ni angka jolma i. Dipamasuk halahi do Panurirang Jeremia tu bagasan sumur; musti gabe mate so mangan ia disi, harana madung abis sipanganon di kota on.”

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

HAGAI 1:4

“Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

MARKUS 15:15

Gabe dipalua si Latus ma si Barabbas di halahi laho pasonangkon roha ni halahi. Dung i disuru ia ma halak mangaloncing Jesus, dipasahat ia ma anso diparsilangkon.

BAENON NI ANGKA RASUL 24:27

Dung adong dua taon, ro ma si Perkius Pestus manggontihon si Peliks gabe gubernur disi. Jadi hara ni na giot mambuat roha ia tu halak Jahudi, gabe laing dipadiar ia ma si Paulus tarhurung.

BAENON NI ANGKA RASUL 25:9

Tapi giot mambuat roha do si Pestus tu halak Jahudi. Jadi marsapa ma ia tu si Paulus, “Ra do ho sugari nioban tu Jerusalem anso disi niadilan ho di jolongku taringot tu angka pangaduan ni halahi i?”

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

PANGARATAION 1:17

Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

PANGARATAION 24:17

Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 SAMUEL 15:9

Tapi anggo si Agag dohot tentarana i ditangkup jana dipadiar ia do mangolu, songon i biri-biri dohot lombu na jeges-jegesna i, anak ni lombu dohot anak ni biri-biri na ummokmok, dohot sude na mararga; hum pahan-pahanan na so marguna dohot na so mararga sajo do na dimatehon.